टाकळी हाजी (पुणे) : पुण्याजवळील लोहगाव येथे नातेवाईकाच्या लग्नासाठी गेलेल्या शिरूर तालुक्यातील कवठे येमाई येथील बहिण- भावाचा कोरोनाचा रिपोर्ट पॅाझिटिव्ह आला असल्याचे तालुका वैद्यकिय अधिकारी डॅा. आर. डी. शिंदे यांनी सांगितले. 
 
कवठे येमाई येथील बहिण- भाऊ आपल्या नातेवाईकाच्या लग्नासाठी लोहगाव (पुणे) येथे गेले होते. त्या लग्नामध्ये कोरोनाबाधित असलेल्या नवरदेवामुळे 50 जणांना कोरोना झाल्याचे निष्पन्न झाले आहे. त्यामुळे या भाऊ- बहिणीचाही स्वॅब घेतल्यानंतर त्यांचा अहवाल देखील पॅाझिटिव्ह आल्याचे तालुका वैद्यकिय अधिकारी डॅा. आर. डी. शिंदे यांनी सांगितले. 

अमोल कोल्हे सांगतात, कोरोनाच्या लढाईत...माझी ढाल, माझा मास्क...

कवठे येमाई गावामध्ये या पूर्वीही पाच रुग्ण सापडले होते. त्यामुळे भितीचे वातावरण तयार होऊन गाव बंद झाले होते. गावातील गतिमंद 3 जणांना शाळेत क्वारंटाइन केले होते. या वेळी गावातील तरुणांनी गाव बंद केले होते. त्यामुळे गावात कोरोनाचा शिरकाव होण्यास मज्जाव झाला होता. परिसरातून या तरुणांचे स्वागत केले जात होते. त्यानंतर गावात व्यवहार सुरळीत सुरू होण्यास मदत झाली. गावातील लहान मोठे व्यवसाय सुरू होऊन आर्थिक परिस्थिती सुरळीत होईल, अशी आशा नागरिकांमध्ये होऊ लागली होती. मात्र, अचानक लग्नाला गेलेले भाऊ- बहिण कोरोना पॅाझिटिव्ह सापडल्याने सध्या गावात भितीचे वातावरण तयार झाले आहे. 

एका लग्नाची मोठी गोष्ट...वऱ्हाडींसह नवरा- नवरीचंही जुळलं कोरोनाशी नातं 

याबाबतची माहिती मिळताच पोलिस उपनिरीक्षक भगवान पालवे, सरपंच अरुण मुंजाळ, ग्रामविस्तार अधिकारी संतोष गायकवाड, दिपक रत्नपारखी, शांताराम पोकळे, डॅा. कुंडलीक शितोळे, रितेश शहा यांनी निर्णय घेऊन गावात औषध फवारणी सुरू केली.    

पुण्याच्या इतर बातम्या वाचण्यासाठी येथे क्लिक करा

दरम्यान, शिरूर तालुक्यात कोरोना रूग्णांची संख्या दिवंसेदिवस वाढत आहे. लग्नसंमारंभ व इतर सार्वजनीक कार्यक्रमांना मोठा जनसमुदाय जमवून शारीरिक अंतराचा फज्जा उडवला जात आहे. त्यामुळे नागरिक नियमात एकत्रित येत नसतील, तर त्यांच्यावर कायदेशीर कारवाई करा, असे शिरूरचे उपविभागीय अधिकारी संतोष देशमुख यांनी सांगितले.  या वेळी रांजणगाव व पाबळ येथील पोलिस खात्यातील अधिकारी उपस्थीत होते.  
 
Edited by : Nilesh Shende