निजामुद्दीन प्रकरणातील आणखी एक पॉझिटिव्ह
पिंपरी - दिल्लीतील निजामुद्दीन भागात झालेल्या धार्मिक कार्यक्रमाच्या हाय रिस्क काॅन्टॅक्टमधील आणखी एका व्यक्तीचा एनआयव्ही कडील अहवाल गुरुवारी पाॅझिटीव्ह आला. त्यामुळे शहरातील कोरोनाबाधितांची संख्या 22 झाली आहे. दरम्यान, भोसरी गावठाण परिसर शुक्रवारपासून (ता. 10) तीन दिवस सील करण्यात येणार आहे.
निजामुद्दीन येथील कार्यक्रमाला पिंपरी-चिंचवडमधील 23 नागरिक सहभागी झाले होते. त्यातील तिघांसह संपर्कात आलेल्या पाच जणांवर उपचार सुरू आहेत. त्यांच्या संपर्कात आलेल्या एका तरुणाचा अहवाल बुधवारी पॉझिटिव्ह आला होता. गुरुवारी एका महिलेचा अहवाल पाॅझिटिव्ह आला आहे. त्यामुळे शहरातील पाॅझिटिव्हची संख्या 22 झाली आहे. त्यातील 12 जण बरे होऊन घरी पोहोचले आहेत.
दरम्यान, गुरुवारी 40 संशयितांचे नमुने तपासण्यासाठी घेतले आहेत. त्यांचे अहवाल प्रलंबित आहेत.
आजपर्यंत शहरातील एक हजार 887 व्यक्तींना घरातच क्वारनटाइन केलेले आहे. त्यातील एक हजार 318 जणांचा 14 दिवसांचा क्वारनटाइन कालावधी पूर्ण झाला आहे.
भोसरीत आजपासून संचारबंदी
कोरोना प्रादुर्भावाच्या पार्श्वभूमीवर लागू असलेली संचार बंदी महापालिकेकडून अधिक कडक करण्यात आली आहे. भोसरीतही एक पाॅझिटिव्ह आढळल्याने शुक्रवारपासून (ता. 10) ते रविवारपर्यंत (ता. 12) गावठाण परिसर पूर्णपणे सील करण्यात येणार आहे. या दरम्यान, भाजीपाला, किराणा, दूध तसेच जीवनावश्यक वस्तूंची दुकाने देखील बंद राहणार आहेत. याची सर्व नागरिक व व्यापारी, दुकानदार यांनी नोंद घेऊन सहकार्य करावे असे आवाहन प्रशासनाने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.