पुणे Coronavirus : लॉकडाऊनच्या काळात "कोरोना' वगळता इतर आजार किंवा व्याधी असलेल्या रुग्णांना डॉक्ट रांना कसे भेटायचे, असा प्रश्न  असतो. तसेच, निदान न झालेला कोरोनाबाधीत व्यक्तीमुळे डॉक्टअरांना विलगीकरणात जावे लागते. या सर्व परिस्थितीचा सांगोपांग विचार करून पुण्यातील युवकांनी ऑनलाइन बाह्यरूग्णविभागासाठी "कॉपीऊस' हे संकेतस्थळ विकसित केले आहे. 

पुण्याच्या बातम्या वाचण्यासाठी येथे ► क्लिक करा

'कोपिऊस हेअल्थकेयर' कंपनीचे मुख्य अधिकारी अश्विन गुपचूप, आश्विन दात्ये आदींनी ही संकल्पना विकसित केली आहे. दात्ये म्हणाले, 'प्रचलित तंत्रज्ञानाच्या सहाय्याने डॉक्टार आणि रुग्ण यांच्या मदतीला येऊ शकेल अशी संकल्पना विकसित करायचे ठरवले. यामध्ये घरबसल्या डॉक्ट्रांना व्हिडीओद्वारे रुग्णाला तपासता येईल. यामुळे रुग्णाचा आणि डॉक्टारांचा प्रत्यक्ष संपर्क टाळला जाईल.' मोफत असलेल्या या सुविधेसाठी https://opd.copious.care हे संकेतस्थळ विकसित करण्यात आले आहे. 

पुण्याच्या बातम्या वाचण्यासाठी येथे ► क्लिक करा

कशी वापराल ही प्रणाली 

• डॉक्टरांनी संबंधित संकेतस्थळावर ऑनलाईन नोंदणी करावी 
• रुग्णाने संकेतस्थळावर किंवा तेथे दिलेल्या मोबाईल क्रमांकावर नोंदणी करावी 
• रेसेपशनिस्ट रुग्णाला एक "लिंक' मोबाईल एसएमएस मार्फत पाठवतील 
• रुग्ण आणि डॉक्टार व्हिडिओ मीटिंगच्या माध्यमातून समोरासमोर व्याधी बाबत चर्चा करतील 
• रुग्णाच्या परिस्थिती नुसार औषधाचे प्रेस्क्रिपशन लिंकच्या माध्यमातून पीडिएफमध्ये मिळेल 
• ज्यानुसार रुग्ण जवळच्या औषधाच्या दुकानातून खरेदी करू शकतील 

प्रणालीचे फायदे 

• निदान न झालेल्या कोरोनाग्रस्तापासून डॉक्टनरांचा बचाव होईल 
• घरबसल्या निदान होईल 
• सोशल डिस्टंसींगचे पालन होत संसर्गाला आळा बसेल 
• डॉक्टडरांसह रुग्णाचा वेळ आणि श्रम दोनही वाचेल