पुणे Coronvirus  : पुण्यातील काही भागांत कोरोनाचे रुग्ण नसले तरी, संपूर्ण शहर "रेड झोन' राहणार आहे. त्यामुळे अत्यावश्‍वक सेवा वगळता अन्य दुकाने-उद्योग सुरू होणार नसल्याचे स्पष्ट झाले आहे. त्यातही किराणा दुकाने रोज केवळ दोनच तास उघडी राहतील. तर, "सील' आणि संचारबंदीच्या उपाययोजनाही कायम असतील, असे महापालिका प्रशासनाने शनिवारी रात्री जाहीर केले. येत्या 17 मेपर्यंत लॉकडाऊनची काटेकारेपणे अंमलबजावणी असेल, याकडेही प्रशासनाने लक्ष वेधले आहे.

आणखी वाचा - पुण्यात फक्त रेड झोनमध्ये कडक निर्बंध असणार?

दरम्यान, पुणे शहर हे "रेड झोन' असावे, यासाठी मुख्यमंत्री उद्धव ठाकरे हे आग्रही राहिले. पुण्यातील कोरोना रुग्णांची संख्या पाहता क्षेत्रीय कार्यालयांच्या हद्दींचे झोन केले आहेत. त्यात सर्वाधिक रुग्ण असलेला भाग "रेड', त्यापेक्षा कमी रुग्णांचा परिसर हा "ऑरेन्ज' आणि त्यानंतर "ग्रीन' झोन; अशा टप्प्यांत विभागणी करण्यात आली आहे. परंतु, गेल्या काही दिवसांत ठराविक भागांतील म्हणजे, भवानी पेठ, शिवाजीनगर, कसबा पेठ, ढोले-पाटील रस्ता परिसरातील रुग्णांच्या संख्येत मोठी वाढ होत आहे. त्यानुसार आतापर्यंत पावणेदोन हजार रुग्णांची नोंद झाली आहे. तर 104 जणांचा जीव गेला आहे.

आणखी वाचा - पुण्यातल्या पाच भागांत आहेत, अत्यल्प कोरोना रुग्ण 

पुण्याच्या आणखी बातम्या वाचण्यासाठी येथे क्लिक करा

दुसरीकडे गेल्या चार दिवसांपासून रोज शंभरीच्या घरात नवे रुग्ण सापडत आहेत. तरीही 3 मेनंतर "ऑरेन्ज' आणि "ग्रीन' झोनमधील काही व्यवहार सुरू करण्याचे संकेत प्रशासकीय पातळीवरून देण्यात आले होते. मात्र, काही पसिरातील दुकाने उघडल्यिास कोरोनाचा फैलाव वाढण्याची भीती नागरिकांत होती. या पार्श्‍वभूमीवर मुख्यमंत्री ठाकरे यांनी संपूर्ण पुणे शहर "रेड झोन' ठेवण्याच्या भूमिकेवर ठाम राहिल्याने त्याची अमंलबजावणी होणार आहे. त्यामुळे तुर्तास तरी येत्या 17 मेपर्यंत पुण्यातील स्थिती "जैसे थे' राहणार आहे.