पुणे : कोविड-19 वरील लस आणि औषधांची जलद गतीने प्रयोगशाळेत चाचणी घेण्याची तयारी भारतीय शास्त्रज्ञांनी केली आहेत. मानवी फुफ्फुसातील पेशींमध्ये कोविड-19च्या विषाणूची वाढ करण्यात येणार आहे. हैदराबाद येथील पेशी आणि आण्विक जीवशास्त्र केंद्र (सीसीएमबी) आणि बंगळूर येथील एस्टिम रिसर्च प्रायव्हेट लिमिटेडमध्ये यासंबंधीचा करार झाला आहे. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

एस्टीमच्या वतीने मानवी फुफ्फुसातील इपीथॅलीयल पेशींचे कल्चर पुरविण्यात येणार आहे. त्याद्वारे सीसीएमबीच्या प्रयोगशाळेत पेशीतील बदल आणि रोगचिकित्सक वैशिष्ट्ये आभ्यासण्यात येणार आहे. यामुळे जलद गतीने आणि मोठ्या प्रमाणावर औषधांच्या चाचण्या घेणे शक्‍य होणार आहे. सीसीएमबीचे संचालक डॉ. राकेश मिश्रा म्हणाले,"मानवी शरीराबाहेर विषाणूची पेशींमध्ये वाढ करणे मोठे आव्हान आहे. भारतीय शास्त्रज्ञ मानवी पेशीतील एसीई-2 प्रथिन आणि जनुके कोरोना विषाणूला पेशी प्रवेशासाठी कशी मदत करतात याचा अभ्यास करणे शक्‍य होणार आहे. तसेच औषधांचा त्यावरील परिणामही अभ्यासता येईल.'' डॉ. कृष्णा हर्षण यांच्या नेतृत्वाखालील शास्त्रज्ञांचा चमू हे कार्य करणार आहे. 

विद्यार्थ्यांनो, अभ्यासाला लागा ! नीट, जेईई मेनच्या तारखा जाहीर

सुविधेचे वैशिष्ट्ये 
- देशात पहिल्यांदाच फुफ्फुसाच्या पेशींमध्ये कोरोना विषाणूची वाढ 
- प्रयोगशाळेत कोरोना औषधाच्या चाचणीला मिळणार वेग 
- औषधांच्या चाचणीच्या वेळेबरोबरच अचूकता वाढणार 
- पेशीस्तरावरील उपचार आणि रोगाच्या प्रसाराचे मॉडेलिंग करणे शक्‍य 

स्थगित केलेल्या परीक्षांचे काय? एमपीएसीकडून खुलाशाची मागणी

"कोविड-19 वरील औषधांच्या प्रयोगशाळेतील चाचणीसाठी हे महत्त्वपूर्ण पाऊल आहे. यामुळे औषधांच्या परिणामाचा खोलवर आणि अचूकतेने अभ्यास करता येणे शक्‍य होणार आहे. औषधांच्या प्रयोगशाळेतील परिणामांच्या अभ्यासावर आधारित मोठ्या जनसंख्येसाठी मॉडेल विकसित करने शक्‍य होणार आहे.'' 
- डॉ. जोगीन देसाई, मुख्य कार्यकारी अधिकारी, एस्टिम. 

मोठी बातमी! विद्यापीठ परीक्षांचे वेळापत्रक दोन दिवसात होणार जाहीर