पुणे - घटस्फोटाचा दावा आणि नांदायला यावे यासाठी कौटुंबिक न्यायालयात सुरू असलेले 18 जोडप्यांमधील वाद लोक अदालतीच्या माध्यमातून तडजोडीद्वारे मिटविण्यात आले आहे. त्यामुळे विभक्त होण्याच्या मार्गावर आलेल्या या जोडप्यांचा संसार पुन्हा सुरू झाला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

येथील कौटुंबिक न्यायालयात शनिवारी लोकअदालतीचे आयोजन करण्यात आले होते. त्यात 104 प्रकरणे तडजोडीसाठी ठेवण्यात आले होते. त्यातील 20 प्रकरणे तडजोडीने मिटली आहेत. मिटलेल्या दाव्यांतील 18 प्रकरणे हे घटस्फोट आणि पत्नीने नांदायला यावे किंवा पतीने पत्नीला नांदविण्यासाठी घेऊन जाण्याचे होते. तर दोन प्रकरणे हे पोटगी मिळण्यासाठी होते. या दोन्ही प्रकरणात पोटगी देण्याबाबत पती-पत्नीत तडजोड झाली व त्यांचा वाद मिटला. तर उर्वरित 18 प्रकरणांतील जोडप्यांनी घटस्फोट घेण्याऐवजी पुन्हा एकत्र येण्याचा तसेच नांदायला जाण्याचा निर्णय घेतला. त्यामुळे त्यांचा सुर पुन्हा जुळला असून त्यांच्यातील न्यायालयीन लढाई आता संपली आहे.

Video : पुण्यातील शाळा ३ जानेवारीपर्यंत बंदच; महापौरांचा मोठा निर्णय 

कौटुंबिक न्यायालयाचे प्रमुख न्यायाधीश सुभाष काफरे, न्यायाधीश जी. जी. भालचंद्र, न्यायाधीश एन. आर. नाईकवडे, न्यायाधीश आर. एस. आराध्ये, निवृत्त न्यायाधीश ए. ए. शहापुरे, दीपक जोशी, रवींद्र कुलकर्णी हे पॅनेल न्यायाधीश होते. तर दि. फॅमिली कोर्ट लॉयर्स असोसिएशनच्या अध्यक्षा ऍड. वैशाली चांदणे, ऍड. झाकिर मणियार, ऍड. गुलाब गुंजाळ, ऍड. गीता निकाळजे यांनी पॅनेल वकील म्हणून कामकाज पाहिले. कौटुंबिक न्यायालयाच्या प्रबंधक सुप्रिया केळकर, अधीक्षक श्रीकांत लिहिणे आणि अश्‍विनी वैद्य यांनी लोकअदालतीच्या कामासाठी मदत केली.

शरद पवारांच्या वाढदिवसानिमित्त कात्रज तलावावर रेखाटली भव्य रांगोळी!

प्रत्यक्ष हजर राहावे लागले नसल्याचे पक्षकारांना समाधान -
तडजोडीतून वाद मिटल्याने त्वरित व सकारात्मक निर्णय झाल्याचे समाधान दावा लोकअदालतीत ठेवलेल्या जोडप्यांनी व्यक्त केले. काही प्रकरणे ऑनलाइन देखील निकाली काढण्यात आली. प्रत्यक्ष हजर राहावे लागले नाही म्हणून बाहेर गावी असलेल्या पक्षकारांचा वेळ आणि पैसा वाचला. त्यामुळे ऑनलाइन सुविधा अधिक व्यापक व्हावी, अशी मागणी पक्षकारांनी केली.

Edited By - Prashant Patil