पुणे - "महाराष्ट्र वीज नियामक आयोगाने विश्‍वासर्हतेचे निर्देशांक दरमहा प्रसिद्ध करणे महाविरणला बंधनकारक केले आहे. परंतु गेल्या सहा महिन्यापासून महावितरणकडून ते प्रसिद्ध करण्यात आलेले नाही. महावितरणला या ढिसाळ कारभारात तातडीने सुधारणा करून दरमहा ते प्रसिद्ध करण्याचे आदेश द्यावेत,' अशी मागणी सजग नागरिक मंचाने आयोगाकडे केली आहे. 

आयोगाने घालून दिलेल्या नियमावलीप्रमाणे महावितरणने दरमहा विश्‍वासर्हतेचा निर्देशांक प्रसिद्ध करणे आवश्‍यक आहे. यातून ग्राहकांना किती तांत्रिक बिघाडांना सामोरे जावे लागले व त्यामुळे किती काळ अंधारात बसावे लागले हे समजते. महावितरणने त्यांच्या संकेतस्थळावर जून 2020 नंतर हे निर्देशांक केलेले नाहीत, असे मंचाचे अध्यक्ष विवेक वेलणकर यांनी सांगितले. 

पिंपरी-चिंचवडच्या बातम्या वाचण्यासाठी येथे क्लिक करा

जून 2020 या महिन्यामध्ये संपूर्ण महाराष्ट्रात तांत्रिक बिघाडाच्या 16 हजार 180 घटना घडल्या. ज्यामधे राज्यातील 4 कोटी 54 लाखाहून अधिक नागरिकांना एकूण 23 हजार 115 तास अंधारात बसावे लागले. तर डिसेंबर 2019 या महिन्याभरात संपूर्ण महाराष्ट्रात तांत्रिक बिघाडाच्या 10 हजार 994 घटना घडल्या ज्यामधे राज्यातील अडीच कोटी हून अधिक नागरिकांना एकूण 15 हजार 167 तास अंधारात बसावे लागले, असेही वेलणकर यांनी म्हटले आहे. 

पुण्यात 13 वर्षीय मुलावर लैंगिक अत्याचार; नांदेड फाटा परिसरातील धक्कादायक घटना​

स्मार्ट सिटीही अंधारच अंधार 
महाराष्ट्रात महावितरणला सर्वांत जास्त महसूल मिळवून देणाऱ्या आणि स्मार्ट सिटी असलेल्या पुणे झोनची अवस्था काही वेगळी नाही. डिसेंबर 2019 मध्ये पुण्यामध्ये तांत्रिक बिघाडाच्या 713 घटना घडल्या. ज्यात पुणेकरांना 889 तास अंधारात बसावे लागले .तर जून 2020 मध्ये पुण्यामध्ये तांत्रिक बिघाडाच्या 1 हजार 524 घटना घडल्या. ज्यात पुणेकरांना 2 हजार 350 तास अंधारात बसावे लागले. यातून डिसेंबर 2019 पेक्षा जून 2020 मध्ये संपूर्ण महाराष्ट्रात तांत्रिक बिघाडामुळे ग्राहकांना अंधारात बसावे लागण्याच्या घटना आणि कालावधी यात दीड पटीने वाढ झाली आहे, असेही त्यांनी पत्रात म्हटले आहे. 

पुण्याच्या बातम्या वाचण्यासाठी येथे क्लिक करा