पुणे - तळजाई टेकडीवर वाहनांसाठी पार्किंग व त्यावरील सोलर पॅनेल प्रकल्पासाठी अडथळा ठरणाऱ्या झाडांची पाहणी करण्यासाठी आलेल्या महापालिकेच्या अधिकाऱ्यांना नगरसेवक सुभाष जगताप यांच्यासह स्थानिक नागरिकांनी विरोध केला. त्यामुळे सरकारी कामात अडथळा आणल्याचे कारण पुढे करीत महापालिकेने जगताप यांच्यासह त्यांच्या सात ते आठ कार्यकर्त्यांविरुद्ध सहकारनगर ठाण्यात गुन्हा दाखल केला.

तळजाईवरील क्रिकेटच्या मैदानासमोर महापालिकेच्या वतीने पार्किंग व त्यावर सोलर पॅनेल प्रकल्प राबविण्यात येणार आहेत. या प्रकल्पात अडथळा ठरणाऱ्या झाडांच्या पाहणीसाठी महापालिकेचे अधिकारी व कर्मचारी शुक्रवारी सकाळी टेकडीवर आले होते.

तळजाई टेकडीवर सौरऊर्जा प्रकल्पाच्या पाहणीसाठी  आलेले महापालिकेचे अधिकारी, कर्मचाऱ्यांना सुभाष जगताप व कार्यकर्त्यांनी विरोध केला. त्यामुळे सरकारी कामात अडथळा आणल्याप्रकरणी गुन्हा दाखल केला.
- अनिल शेवाळे, पोलिस निरीक्षक, सहकारनगर पोलिस ठाणे