भोर (पुणे) : लॉकडाउननंतर मुंबईहून भोर तालुक्यात आलेल्यांच्या मुंबई पासिंगच्या मोटारी व दुचाकींमुळे शहरासह तालुक्यातील सर्व रस्त्यांवर वाहनांची गर्दी होत आहे. शहर आणि तालुक्यात मंबईहून आलेल्यांमुळे कोरोनाचा फैलाव सुरु झाला आहे. त्यामुळे अशा मुंबई पासिंगच्या  गाड्यांवर कारवाई करून शहरात येण्यास मनाई करण्याची मागणी भोरवासीयांनी केली आहे. 

खेड तालुक्यात दोघांच्या मृत्यूने वाढली चिंता 

पुण्या- मुंबईला नोकरी व व्यावसायानिमित्त कार्यरत असलेले अनेकजण लॉकडाउनमुळे भोर तालुक्यातील मूळ गावी आलेले आहेत. कुटुंबासह आणि पाहुण्यांसह ते आपल्या मोटारी, रिक्षा आणि दुचाकीवरून तालुक्यात आले आहेत. अनेकांना क्वारंटाइनदेखील केलेले आहे. परंतु, क्वारंटाईन केलेले असले नसले तरीही कित्येक जण भाजीपाला व इतर साहित्याच्या खरेदीसाठी दररोज भोर शहरात येत आहेत. सकाळी नऊ ते दुपारी दोन वाजेपर्यंत भोर शहरातील दुकाने उघडी असल्यामुळे या कालावधीत एसटी स्टँड, चौपाटी येथील शिवाजी महाराजांच्या पुतळ्याजवळ, न्यायालयासमोर, नवी आळी आणि सम्राट चौकात वाहनांची गर्दी होत आहे. त्यात सर्वाधिक गाड्या ह्या मुंबई पासींगच्या असल्याचे निदर्शनास आले.  

क्वारंटाइन नव्हे स्कूलटाइम..

मुंबईहून पुरेसे पैसे घेऊन गावी आल्यामुळे सर्वांकडूनच नसली तरी अनेकांकडून दररोज पैशांची उधळपट्टी सुरु आहे. अनेक जण फक्त मद्य आणि मांस, मासे आदी पदार्थ खरेदी करण्यासाठी भोरमध्ये येत आहेत. त्यांच्या गाड्या या एसटी स्टँडवर उभ्या केलेल्या असतात. पन्नास गाड्यांपैकी २५ ते ३० गाड्या या मुंबई पासिंगच्या आढळल्या जात आहेत.

पुण्याच्या इतर बातम्या वाचण्यासाठी येथे क्लिक करा

भोर तालुक्यातील एसटी सेवा बंद असल्यामुळे मुंबईहून आलेले काही वाहनचालक प्रतिष्ठेसाठी गावातील इतर नागरिकांनाही गाडीत बसवून भोरला येऊ लागले आहेत. गाडीत कुठल्याही प्रकारचे सोशल डिस्टन्सिंगच्या नियमांचे पालन केले जात नाही. त्यामुळे मुंबई पासिंगच्या वाहनांची तपासणी करण्यात यावी, अशी मागणी केली जात आहे.