मार्केट यार्ड (पुणे) : पाऊस सुरू झाला की मार्केट यार्डात सिताफळाचा पहिला बहर सुरू होतो. दरवर्षी प्रमाणे यावर्षी ही यंदाच्या हंगामातील सिताफळ प्रथमच बाजारात दाखल झाले. सोमवारी (ता. ८) हवेली तालुक्यातील वडकी नाला येथून सिताफळ विक्रीसाठी बाजारात आले होते. सिताफळाचा बहर नुकताच सुरू झाला असून पहिल्या दिवशी किलोला 201 रूपये भाव मिळाला.
वडकी येथील शेतकरी सागर दशरथ लडकत यांच्या शेतातून ही सिताफळे बाजारात आली होती. डेक्कन येथील फळ विक्रेते चेतन पायगुडे यांनी या सिताफळांची खरेदी केली. कोरोनाच्या पार्श्वभूमीवर योग्य खबरदारी घेवून सिताफळाची खरेदी विक्री करण्यात आली. दरवर्षी जूनच्या पहिल्या किंवा दुसर्‍या आठवड्यात सिताफळाचा पहिला बहर सुरू होतो. हा बहर सुमारे ऑगस्ट अखेरपर्यंत चालतं असल्याचे अडते असोसिएशनचे उपाध्यक्ष युवराज काची यांनी सांगितले.
काची म्हणाले, यावर्षी मान्सूनपूर्व पाऊस समाधानकारक झाला आहे. त्यातच मान्सूनही वेळेत राज्यात दाखल होत आहे. त्यामुळे बागामध्ये फळधारणा चांगली आहे. तसेच बाजारातही सिताफळाला मागणी असणार आहे. मागील सलग दोन वर्ष सिताफळ उत्पादक शेतकर्‍यांना नुकसानीचा सामना करावा लागला होता. पहिल्या वर्षी पाण्याअभावी, तर दुसऱ्या वर्षी ऐन हंगामात अतिपाऊस झाल्याने सिताफळाचा हंगाम वाया गेला होता. मात्र यंदा शेतकऱ्यांचा फायदा होईल.
यंदा पावसाला वेळेत सुरूवात झाली आहे. त्यामुळे फळांचा दर्जा चांगला आहे. तसेच आकारही मोठा आहे. पुढील काही दिवसांत बाजारात मोठ्या प्रमाणावर सीताफळ दाखल होणार आहे. बाजारात विक्रीसाठी येणार्‍या फळांचा दर्जा अजून वाढणार आहे.
- युवराज काची, उपाध्यक्ष, अडते असोसिएशन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.