पुणे - तब्बल चार राज्यांच्या सीमा भागात फिरून पोलिसांना गुंगारा देणाऱ्या एका आरोपीस सायबर पोलिसांनी अखेर अटक केली. आरोपी व त्याच्या साथीदारांनी पेट्रोल पंपावरील डेबिट कार्ड मशिनमध्ये स्किमर बसवून अनेकांच्या बॅंक खात्यातील लाखो रुपये काढून घेतले होते. आता एकाला अटक केल्याने आरोपींची संख्या पाच झाली आहे.

ताज्या बातम्यांसाठी डाऊनलोड करा ई-सकाळचे ऍप

गुड्डु ऊर्फ जितेंद्रकुमार अवधेश सिंग असे अटक केलेल्या संशयित आरोपीचे नाव आहे. लष्कर परिसरातील एका पेट्रोल पंपावर डेबिट कार्ड स्वाईप मशिनला स्किमर बसवून अनेकांच्या बॅंक खात्यातील लाखो रुपये काढले होते. ही घटना २०१६ मध्ये घडली होती. या प्रकरणातील चार आरोपींना सायबर पोलिसांनी अटक केली. तर मुख्य आरोपी रोहित सिंग व गुड्डु हा पोलिसांना सतत गुंगारा देत होता.

हेही वाचा  : राज्यात उन्हाचा ताप वाढणार

दरम्यान, सायबर पोलिस काही दिवसांपूर्वीच रोहित सिंग व गुड्डुचा शोध घेण्यासाठी बिहारमध्ये गेले होते. रेल्वेत बसल्यानंतर त्यांनी गुड्डचे मोबाईल लोकेशन शोधले. त्या वेळी तो बिहारहून दिल्लीच्या दिशेने जात असल्याचे निदर्शनास आले. त्यानुसार, पोलिस दिल्लीमध्ये दाखल झाले. तेथे पुन्हा लोकेशन तपासले, तेव्हा तो हरियानातील गुरगाव येथे आढळला. आरोपीचा तीन वर्षांपूर्वीचा फोटो व मोबाईल लोकेशनच्या आधारे पोलिस आरोपीचा शोध घेत होते. 

धक्कादायक! पुण्यात पत्नीनेच कापला पतीचा गळा

अखेर आरोपी दिल्लीतील द्वारका सेक्‍टर १९ येथे असल्याची माहिती मिळाली. त्यानुसार, पोलिसांनी गुड्डुला अटक केली. त्याच्याकडे रोहित सिंग याच्याबाबत चौकशी केली. त्यानंतर तो राहात असलेल्या ठिकाणीही पोलिसांनी पाहणी केली. मात्र, तो पोलिसांच्या हाती आला नाही.