वालचंदनगर : सपकळवाडी (ता. इंदापूर) येथील शेतकऱ्यांच्या घरांना नीरा-भीमा नदीजोड प्रकल्पाच्या बोगद्याच्या कामामुळे तडे गेले असल्याची माहिती पाटबंधारे विभागाने दिली.
सणसर गावच्या हद्दीमध्ये छत्रपती सहकारी साखर कारखान्याच्या पाठीमागील बाजूस नीरा-भीमा नदीजोड प्रकल्पाच्या बोगद्याच्या शॉप्ट क्रमांक-१ चे काम सुरु आहे. शाॅप्टपासून दोन्ही बाजूकडे सुमारे २९० मीटर पूर्ण झाले आहे. जमीनीपासून सुमारे ५० मीटर खोलीमध्ये बोगद्याचे काम सुरु आहे. बाेद्याच्या कामापासुन १३० मीटर अंतरावर सपकळवाडी परीसरातील काही घरे आहेत.
बोगद्यातील भुसुरुंगचा स्फोटाचा शेतकऱ्यांना फटका बसत आहे. सपकळवाडी परीसरातील सुमारे दहा घरांना तडे गेले आहेत. तसेच अनेक शेतकऱ्यांच्या विहिरींचे व विंधन विहिरींचे पाणी गायब झाले आहे. शेतकऱ्यांनी आक्रमक भूमिका घेतल्यानंतर आज मंगळवार (ता. २२) रोजी पुणे येथील वरिष्ठ भूवैज्ञानिक तज्ज्ञ अतुल धवणे व पाटबंधारे विभागतील अधिकाऱ्यांनी सपकळवाडी परीसरातील तडे गेलेल्या घरांची पाहणी केली.
यासंदर्भात पाटबंधारे विभागातील अधिकाऱ्यांनी सांगितले की, सपकळवाडीमधील तडे गेलेल्या घरे ही खडकावरती आहेत. घरांच्या पायाही खडकामध्ये आहे. खडक व पाया यांच्यामध्ये मुरुम, मातीचा थर नसल्यामुळे कमी क्षमतेच्या भुसुरुंगाच्या स्फोटाच्या व्हायब्रेशन (हादरे) घरांच्या भिंतीला बसत असून तडे पडत असल्याचे सांगितले. यावेळी पाटबंधारे विभागाचे शाखा अभियंता अनिल पाटील, सुर्दशन जाधववर उपस्थित होते.
विहीरींची माहिती अहवाल आल्यानंतर कळणार-
सपकळवाडी परीसरातील भूगर्भीय शास्त्रीय परस्थितीचा व खडकाचा आभ्यास केल्यानंतर नीरा-भीमा नदी जोड प्रकल्पाचे कामाचा सपकळवाडी परीसरातील विहिरींच्या व विंधनविहिरींच्या पाण्यावरती काय परीणाम झाला आहे हे सांगता येणार असल्याचे भूवैज्ञानिक तज्ज्ञ अतुल धवणे यांनी सांगितले.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.