पुणे : 'लाॅकडाउन'च्या कडक नियमांमधूून सूट मिळाल्यानंतर दुकाने खुली झाली असली तरी जीवनावश्यक वस्तू वगळता इतर दुकानांमध्ये तुरळक ग्राहक आहेत. भाजी, किराणा सामान घेण्यासाठी आलेल्या दुकानांमध्ये आलेल्या नागरिकांनी मास्क लावला असला तरी सोशल डिस्टन्सिंगच्या नियमाला हरताळ फासला जात आहे. गुटखा, पान खाऊन रस्त्यावर थुंकणाऱ्यांमुळे आरोग्याला धोका निर्माण होण्याची आहे. यामुळे दोन महिने लाॅकडाउन' मधून काय शिकलो हा प्रश्न उपस्थित होत आहे. 

पुण्याच्या इतिहासातील 'ती' काळी तारीख...ढगफुटी...आंबिल ओढा..अन्...  

"कोरोना'च्या प्रभाव रोखायचा म्हणून मार्च महिन्यापासून कडक लाॅकडाउन घोषित करण्यात आला. या काळात किराणा, औषध, दूध, भाजी या अत्यावश्यक सेवा सुरू होत्या. नागरिकांना घराबाहेर पडण्यास बंदी होती. कोरोनाला रोखण्यासाठी सामजिक अंतर हाच प्रभावी उपाय असल्याने त्यासाठी कडक नियमावली करण्यात आली होती. आता नियमांमध्ये शिथिलता आणली आहे. 

एनजीटीला शासकीय कामांची 'लागण'; न्यायाधीश, तज्ज्ञांची निवड कोरोनामुळे...

सध्या रस्त्यावर पुन्हा गर्दी होत असताना त्यात सोशल डिस्टन्सिंग पाळले जात नसल्याचे शहराच्या सर्वच भागात निदर्शनास आले आहे. मंडई व इतर ठिकाणी भाजी, किराणा सामान घेताना ग्राहकांमध्ये दोन फुटाचेही अंतर नाही, एकाच वेळी दोघे तिघे व्यवहार करत आहेत. तसेच अनेक जण रस्त्यावर गुटखा, पान खाऊन थुंकत असल्याचेही चित्र दिसत आहे. कोरोनाचा संसर्ग रोखण्यासाठी स्वच्छता राखणे महत्वाचे असताना व्यसनांमुळे काही जणांमुळे इतरांचे आरोग्यही धोक्यात येत आहे. तर, कपडे, चप्पल, जनरल स्टोअर,  गिफ्टशाॅपी, भांडे  यासह इतर दुकानांकडे ग्राहकांनी अद्याप पाठ फिरवलेलीच आहे. 

ताज्या बातम्यांसाठी डाऊनलोड करा ई-सकाळचे ऍप 

महापालिकेच्या घनकचरा विभागाचे प्रमुख ज्ञानेश्वर मोळक म्हणाले, "नियमांमध्ये शिथिलता आणली असती तरी नागरिकांनी सोशल डिस्टन्सिंग पाळणे अत्यावश्यक आहे. रस्त्यावर व इतर सार्वजनिक ठिकाणी थुंकू नये. अशा नागरिकांवर कारवाई करून ५०० रूपये दंड केला जाणार आहे."