सासवड (पुणे) : कोरोनामुक्त पुरंदर तालुक्यात अखेर मुंबई आणि पुण्यातून कोरोना आला. आतापर्यंत आढळलेल्या एकुण पाच रुग्णांपैकी पुणे कनेक्शनधून तीन; तर मुंबई कनेक्शनमधील दोन आहेत. त्यामुळे पुण्यात नित्यपणे जाणारे- येणारे आणि मुंबईवरून मुळगावी आलेले हजारो लोक पुरंदर तालुक्यातील गावकऱ्यांची धाकधूक ठरली आहे.
लाॅकडाउन असला तरी बरीच बंधने शिथिल झाली. त्यामुळे नोकरदार पुण्यात जाऊ व येऊ लागले. अशा मंडळींनी कामावरून आल्यावर होम क्वारंटाइन व्हायचे असते, पण थोडा अपवाद वगळता बाकी शेकडो लोक नियम पाळत नाहीत. त्यांना आवरण्यासाठी दवंडी देऊनही उपयोग होईना. त्यामुळे पुणे कनेक्शनधून तीन रुग्ण व शेकडो लोक क्वारंटाइन आहेत. मुंबईकर तर इतके आलेत आणि रोज शेकडो येतच आहेत. त्यांच्यातून दोन पाॅझीटिव्ह निघाले व अनेकांना कोविड केअर सेंटरमध्ये जावे लागले. त्याहून अधिक क्वारंटाइन आहेत.
वीरचे सात, सुपे नऊ, कोडीत येथे पाच व सासवडला सात, असे कोविड केअर सेंटरला आहेत. त्यातील काहींचे नमुने आज पाठविले; तर काहींचे उद्या पाठविणार असल्याचे तहसीलदार रुपाली सरनौबत यांनी आज स्पष्ट केले. तर याप्रकरणी होम क्वारंटाइन सुमारे दोनशेहून अधिक आहेत. दरम्यान बाहेरगावाहून आलेले तर शाळांमधील क्वारंटाइन हजारो आहेत. त्यातून प्रत्येक गावात धाकधूक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.