दौंड (पुणे) : ""आमच्या घरात पेशंट आहे, असं तुम्हाला कोणी सांगितलं, ते सांगा. आम्हाला काय कोरोना झालाय का?,'' असे प्रश्न दौंड शहरात केल्या जाणाऱ्या दुसऱ्या आरोग्य विषयक सर्वेक्षणात शिक्षकांनाच विचारले जात आहेत. पंधरवड्यात दुसऱ्यांदा केल्या जाणाऱ्या सर्वेक्षणादरम्यान काही नागरिक स्वतःहून कुटुंबीयांची खरी माहिती देत आहेत; तर काही लपवत आहेत, असे संमिश्र अनुभव शिक्षकांना येत आहेत.
दौंड शहरात 1 मे रोजी एसआरपीफच्या आठ पोलिसांना कोरोनाची बाधा झाल्यानंतर दौंड नगरपालिकेच्या वतीने घरोघरी जाऊन नागरिकांचे सर्वेक्षण करण्यात आले होते. सर्वेक्षणात घरातील सदस्यांची नावे, संपर्क क्रमांक, घर क्रमांक, आजार किंवा लक्षणांची माहिती, बालक व ज्येष्ठ नागरिकांची माहिती प्रामुख्याने संकलित केली जात आहे. एका सर्वेक्षणासाठी साधारणपणे 3 मिनिटांचा अवधी लागतो. सर्वेक्षणाच्या दरम्यान लक्षणे आढळलेल्या व्यक्तींची माहिती संबंधित आरोग्य यंत्रणांना पुढील उपाययोजनांसाठी दिली जात आहे. पहिल्या सर्वेक्षणात 14 हजार 500 कुटुंबांचे सर्वेक्षण करून ज्यांना कोरोना संबंधी लक्षणे आढळली होती, त्यांच्यावर उप जिल्हा रुग्णालयात उपचार करण्यात आले होते.
दरम्यान, 16 मे रोजी एका 82 वर्षीय नागरिकास कोरोनाची बाधा झाल्यानंतर 17 मेपासून दुसऱ्यांदा सर्वेक्षण सुरू करण्यात आले. 1 समन्वयक, 6 पर्यवेक्षक व 263 शिक्षकांच्या साह्याने सर्वेक्षण सुरू आहे. माहिती देण्यास अनेक जण टाळाटाळ करीत आहेत. ओळखपत्र दाखविले तरी, "तुम्हाला कोणी पाठविले? तुम्ही आम्हाला प्रश्न विचारून काय करणार? एकदा माहिती घेतली परत कशाला आलात?' अशी प्रश्नांची सरबत्ती केली जात आहे.
तसेच, काही नागरिक बाहेराहून आलेल्या कुटुंबीयांची नावे व दौंडमध्ये परतल्यावर वैद्यकीय तपासणी केल्याची माहिती स्वतःहून देत आहेत; तर अनेक घरांमध्ये बाहेराहून आलेल्यांची माहिती लपविली जात आहे. काही इरसाल नागरिक चुकीचे मोबाईल क्रमांक देत आहेत.
पुण्याच्या इतर बातम्या वाचण्यासाठी येथे क्लिक करा
दौंड शहरात आज 15 हजार 98 कुटुंबांचे सर्वेक्षण करून 47 हजार 481 नागरिकांची माहिती संकलित करण्यात आली. रक्तदाब, मधुमेह, अन्य आजार व होम क्वारंटाइनचे शिक्के असलेल्यांची माहिती आरोग्य यंत्रणांना देण्यात आली. सर्वेक्षण नागरिकांच्या हितासाठी असल्याने खरी माहिती द्यावी. लक्षणे आढळल्यास तातडीने नगरपालिका, शिक्षकांना कळवून उप जिल्हा रुग्णालयात तपासणी करावी.
- मंगेश शिंदे, मुख्याधिकारी,
दौंड नगरपालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.