बारामती - कोरोनाने अनेक क्षेत्रात उलथापालथ झाली तशी मानवी संवेदनांबाबतही ती घडू लागली आहे. मृत्यूनंतरही कोरोना बाधित रुग्णांबाबत आता समाजाची भूमिका वेगळी होऊ लागली आहे, याचे प्रत्यंतर आता येऊ लागले आहे. बारामतीतही आता अशी स्थिती निर्माण होऊ पाहते आहे.
- पुण्याच्या बातम्या वाचण्यासाठी येथे ► क्लिक करा
शहरातील मध्यवर्ती अमरधाम स्मशानभूमीमध्ये कोरोनाबाधित मृतदेहांवर अंत्यसंस्कार होऊ नयेत, अशी मागणी करणारे पत्र बारामती नगरपालिकेचे नगरसेवक सुनील सस्ते यांनी आज उपमुख्यमंत्री अजित पवार यांना पाठविले आहे.
काल कोरोनाबाधित तर त्या अगोदर कोरोना संशयित असलेल्या मृतदेहावर नगरपालिकेच्या वतीने अमरधाम या स्मशानभूमीध्ये अंत्यसंस्कार केले गेले. मात्र या परिसरातील नागरिकांचा या ठिकाणी कोरोनाबाधित मृतदेहांवर अंत्यसंस्कार करण्यास विरोध असल्याचे सस्ते यांनी या पत्रात नमूद केले. अमरधाम ही बारामतीतील मध्यवर्ती स्मशानभूमी आहे, येथे अंत्यसंस्कारासह सावडण्याचाही कार्यक्रम होतो. या स्मशानभूमीच्या आसपास रस्तेही मोठ्या प्रमाणावर आहेत, त्या मुळे येथे कोरोनाबाधित रुग्ण असलेल्या मृतदेहांवर अंत्यसंस्कार करु नये, अशी मागणी केली आहे.
या भागातील महिलांसह पुरुषांनीही उपविभागीय अधिकारी दादासाहेब कांबळे, मुख्याधिकारी किरणराज यादव यांचीही भेट घेतली. दरम्यान ही स्थिती या दोन्ही अधिका-यांनी ऐकून घेतली आहे. मात्र सुनील सस्ते यांनी आता थेट अजित पवार यांनाच पत्र देत या स्मशानभूमीमध्ये कोरोनाबाधितांवर अंत्यसंस्कार करु नयेत, अशी मागणी केली आहे.
या मागणीनंतर आता प्रशासन या वर नेमका काय निर्णय घेणार या कडे या भागातील नागरिकांचे लक्ष लागून राहिले आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.