भोर (पुणे) : भोर शहरात ५३ इमारती व घरे धोकदायक असून, पावसाळ्यापूर्वी ती घरे व इमारती खाली करण्याची नोटीस संबंधीत मालकांना देण्यात आली असल्याची माहिती नगरपालिकेचे मुख्याधिकारी विजयकुमार थोरात यांनी दिली. 

शेतकऱ्याच्या पोरोची गरुड भरारी

भोर नगरपालिका प्रशासनाच्या वतीने पावसाळ्यापूर्वी शहरातील ५ हजार ४०० मालमत्ताधारकांच्या इमारतींची, घरांची व दुकानांची तपासणी करण्यात आली. प्रशासनाच्या इंजिनिअरनी दिलेल्या अहवालानुसार, त्यामधील ५३ घरे आणि इमारती धोकादायक ठरविण्यात आल्या आहेत. ५३ पैकी १८ इमारतींमध्ये कोणीही वास्तव्यास नाही, तर ३५ इमारतींमध्ये सुमारे दोनशे जण राहत आहेत. या ३५ इमारतींमध्ये राहणा-या सर्वांना इमारती व घरे खाली करण्यास किंवा शक्य असल्यास पावसाळ्यापूर्वी इमारतीची दुरुस्ती करून घेण्यास सांगण्यात आले आहे. 

बारामतीच्या नवीन वाहतूक आराखड्याला हिरवा कंदिल

भोर शहरातील गणेश पेठेतील आणि शिवपुरी आळीतील एक, अशा दोन इमारती अगोदरच रिकाम्या करण्यात आल्या आहेत. भोरमध्ये पावसाचे प्रमाण जास्त असल्याने जुन्या इमारती, वाडे व मातीची घरे पडण्याची जास्त शक्यता असते. त्यामुळे पडझड होऊन जीवीतहानी होऊ नये, यासाठी प्रशासनाने नागरिकांच्या हितासाठी हे पाऊल उचलले असल्याचे मुख्याधिकारी विजयकुमार थोरात यांनी सांगितले.

पाठ्यपुस्तके पाहून हरखली बालमने

नगरपालिकेच्या निर्णयामुळे काही नागरिकांना मात्र पावसाळ्यात त्रास सहन करावा लागणार आहे. एकतर लॉकडाउनमुळे पावसाळ्यापूर्वीची घरांच्या दुरुस्तीची कामे करता आलेली नाहीत. त्यात आता नगरपालिकेने घरे खाली करायला सांगितले आहे. त्यामुळे आता राहायचे कोठे, असा प्रश्नही काहींना पडला आहे.