पुणे : समाजाला आर्थिकदृष्ट्या दुर्बल घटकातून (EWS) आरक्षण राज्य सरकारच्या निर्णयाचे स्वागत विविध विभागातील पदभरतीच्या प्रतीक्षेत असलेल्या उमेदवारांनी केले आहे. मात्र, निदान आता तरी पदभरती प्रक्रियेला वेग मिळावा, अशी अपेक्षाही उमेदवारांनी यानिमित्ताने व्यक्त केली आहे. 

समाजातील विद्यार्थ्यांचे नुकसान टाळण्यासाठी घेतलेला हा निर्णय निश्‍चितच स्वागतार्ह असल्याचे काही उमेदवारांचे म्हणणे आहे. एमपीएससी स्टुडंटस राईट्‌सचे किरण निंभोरे म्हणाले, "मराठा आरक्षणाला आतापर्यंत स्थगिती होती. मात्र आता आर्थिकदृष्ट्या दुर्बल घटकातून (EWS) आरक्षणाचा मार्ग खुला झाला आहे. त्यामुळे पदभरतीमध्ये 'ईडब्ल्यूएस'च्या 10 टक्के आरक्षणाचा फायदा उमेदवारांना होऊ शकणार आहे. हा निर्णय निश्‍चित स्वागतार्ह आहे.''

- Video: खासदार सुप्रिया सुळेंना आवरला नाही मोह; शेतकऱ्यांकडून खरेदी केली भाजी आणि फळं!​

तर डी.टी.एड, बी.एड. स्टुडंट असोसिएशनचे संस्थापक-अध्यक्ष संतोष मगर म्हणाले, "मराठा समाजातील अनेक उमेदवारांना शिक्षक भरती दरम्यान निदान आर्थिकदृष्ट्या दुर्बल घटकातून (EWS) आरक्षण मिळावे, अशी मागणी सातत्याने होत होती. राज्य सरकारच्या निर्णयामुळे या उमेदवारांना फायदा होणार आहे. परंतु आता पदभरती असो वा प्रवेश प्रक्रिया याला आता विनाअडथळा गती मिळणे आवश्‍यक आहे.''

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)