दौंड (पुणे) : मुंबई येथे बंदोबस्त करून परतलेल्या राज्य राखीव पोलिस दल (एसआरपीएफ) गट क्रमांक सातमधील 110 जवानांपैकी 8 जणांचा वैद्यकीय अहवाल कोरोना संशयित रुग्ण म्हणून आला आहे. त्यामुळे त्यांच्या पुन्हा स्वॅब टेस्ट करून स्वॅब तपासणीसाठी राष्ट्रीय विषाणू संस्थेकडे पाठविण्यात आले आहेत. संशयित जवान 27 ते 35 या वयोगटातील आहेत.
राज्य राखीव पोलिस दल गट क्रमांक सातच्या वैद्यकीय अधिकारी डॉ. वैशाली एस. खान यांनी याबाबत माहिती दिली की, मुंबई येथून 16 मार्च रोजी बंदोबस्त करून दौंड येथे परतलेल्या तुकडीतील 110 जवानांना गटाचे समादेशक श्रीकांत पाठक यांनी प्रतिबंधात्मक उपाय म्हणून त्यांच्या घरी न पाठविता एसआरपीएफ कॅंपमधील अष्टविनायक मंगल कार्यालयात क्वारंटाइन केले होते. दररोज त्यांची वैद्यकीय तपासणी केली जात होती. परंतु, राज्य राखीव पोलिस दलाच्या अतिरिक्त पोलिस महासंचालिका अर्चना त्यागी यांच्या निर्देशानुसार खबरदारीचा उपाय म्हणून या सर्वांची मुंबई येथील एका खासगी वैद्यकीय संस्थेकडून स्वॅब टेस्ट (कापसाच्या आधारे गळ्यातून किंवा नाकातून स्वॅब सॅंपल घेणे) करण्यासाठी सॅंपल चाचणीसाठी पाठविण्यात आले होते.
सदर खासगी संस्थेचा अहवाल आज (ता. 30) प्राप्त झाला असून, त्यानुसार आठ जण कोरोना संशयित आहेत. परंतु, शासन निर्देशानुसार त्यांचे नव्याने सॅंपल घेऊन ते राष्ट्रीय विषाणू संस्थेकडे तपासणीसाठी जातील. शनिवारी (ता. 2 मे) राष्ट्रीय विषाणू संस्थेकडून प्राप्त अहवालानुसार पुढील वैद्यकीय कार्यवाही केली जाणार आहे, असे डॉ. वैशाली एस. खान यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.