पुण : पथारी व्यावसायिकांना व्यवसायासाठी दहा हजार रुपयांचे भांडवल देण्याची घोषणा केंद्र सरकारने केली खरी, परंतु महिना होत आला. प्रत्यक्षात ही मदत मिळालेलीच नाही. त्यामुळे ही घोषणा कागदावरच राहिली आहे. त्यामुळे केंद्र सरकारच्या भांडवलाची वाट न पाहता अनेक व्यावसायिकांनी पैशांची जुळवाजुळव करून तर काहींनी उधारी करून करण्यास सुरवात केली आहे. 

पुण्याच्या इतर बातम्या वाचण्यासाठी येथे क्लिक करा

लॉकडाऊनचा सर्वाधिक फटका शहरातील पथारी व्यावसायिकांना बसला. हातावर पोट असणाऱ्या या व्यवसायातील अनेकांची कुटुंब उद्‌ध्वस्त होण्याची वेळ आली आहे. गेल्या महिन्यात 14 मे रोजी केंद्र सरकारने पथारी-हातगाडी व्यावसायिकांना व्यवसाय सुरू करण्यासाठी दहा हजार रुपयांची भांडवल देणार असल्याची घोषणा केली होती. त्यामुळे अनेक पथारी व्यावसायिकांना दिलासा मिळाला होता. परंतु ही घोषणा करून त्यास 23 दिवसांहून अधिक काळ झाला. अद्याप ही मदत मिळालेली नाही. ती कधी आणि कशी मिळणार यांची माहिती देखील पथारी व्यवसायिकांपर्यंत पोचलेली नाही. त्यामुळे केंद्र सरकारची ही घोषणा सध्या तरी कागदावरच राहिली आहे.

अमोल कोल्हे म्हणतात, कोरोनाबरोबर राहण्याची तयारी ठेवली पाहिजे

सरकार देईल तेव्हा देईल, परंतु पुन्हा व्यवसाय सुरू करून कुटुंबाची गाडी रूळावर आणण्यासाठी अनेकांनी प्रयत्न सुरू केले आहेत. त्यासाठी व्याजाने, उधारी करून पैसे जमा करून व्यवसायास सुरू करण्याची धडपड पथारी व्यावसायिकांनी सुरू केली आहे. 

अरे बापरे, पुणे- नगर रस्त्याचे काम अर्धवट सोडून कंत्राटदार गायब