तळेगाव ढमढेरे (पुणे) : श्री क्षेत्र रांजणगाव गणपती (ता. शिरूर) येथे अष्टविनायक महागणपती मंदिरात गुरुवारी पुष्टिपति विनायक जयंतीनिमित्त श्री क्षेत्र रांजणगाव देवस्थान ट्रस्टतर्फे 101 किलो द्राक्षांचा नेवैद्य दाखवून मूर्तीभोवती आकर्षक आरास करण्यात आली. त्यामुळे महागणपतीचे रूप देखणे दिसत होते. 

बारामतीतील 52 जणांचा कोरोना रिपोर्ट पहा काय आलाय...  

सध्या कोरोनाचा संसर्ग रोखण्यासाठी नागरिकांना महागणपतीचे दर्शन बंद आहे. मात्र, शारीरिक अंतराचे नियम पाळून परंपरेनुसार महागणपती मंदिरात पूजा व धार्मिक कार्यक्रम चालू आहेत. गुरुवारी पुष्टिपति विनायक जयंतीनिमित्त श्री क्षेत्र रांजणगाव देवस्थान ट्रस्टतर्फे 101 किलो द्राक्षांचा नेवैद्य दाखवून मूर्तीभोवती आकर्षक आरास करण्यात आली. या वेळी देवस्थान ट्रस्टचे व्यवस्थापक बाळासाहेब गोऱ्हे, हिशेबनीस संतोष रणपिसे, पुजारी प्रसाद कुलकर्णी व मकरंद कुलकर्णी उपस्थित होते. 

पुण्याच्या इतर बातम्या वाचण्यासाठी येथे क्लिक करा..

दरम्यान, रांजणगाव गणपती येथे कोरोना विषाणूचा प्रसार व प्रादुर्भाव रोखण्यासाठी प्रतिबंधात्मक उपाय म्हणून ग्रामस्थांसह प्रशासनाने पुरेशी खबरदारी घेतली आहे. सर्वत्र लॉकडाउन व संचारबंदीची काटेकोर अंलबजावणी करण्यात येत आहे. येथे अद्याप एकही कोरोनाचा संशयित रुग्ण आढळलेला नाही. शिरूर तालुका रेड झोनमध्ये येत आहे. त्यामुळे कोरोना रोखण्यासाठी रांजणगाव गणपती येथे ग्रामपंचायत, महसूल, आरोग्य, पोलिस व प्रशासनातील इतर सर्व घटक खबरदारी घेत आहेत.