शिरूर (पुणे) : गेल्या आठवड्यात रूग्ण संख्येचा विस्फोट झालेल्या शिरूर तालुक्याला आता कोरोनाच्या प्रादुर्भातून काहीसा दिलासा मिळत असून, गेल्या आठ दिवसांत रूग्ण संख्या टप्प्याटप्प्याने कमी होत चालल्याचे चित्र आहे. आज दिवसभरात तालुक्यातील आठ गावांतील २२ जणांचे रिपोर्ट पॉझिटिव्ह आले असून, शहरात एकाला कोरोनाचा संसर्ग झाला आहे. 
 

...तर हॉस्पिटलवर कायदेशीर कारवाई करा; उपमुख्यमंत्र्यांनी दिले आदेश​    

गेल्या रविवारी तालुक्यात कोरोनाच्या रूग्ण संख्येचा विस्फोट होऊन एकाच दिवशी ५२ जणांना बाधा झाली होती. त्यानंतर ४९, ४७, ३५, ३२, २६, २५ अशा दैनंदिन टप्प्याने रूग्ण संख्येचा वेग उतरत गेला. त्यामुळे तालुक्याच्या सर्वच भागाला काहीसा दिलासा मिळाला. शहरातही कोरोनाचा संसर्ग मोठ्या प्रमाणात वाढला होता. एकाच घरातून चार ते आठपर्यंत व्यक्तींना बाधा झाली होती. त्यापैकी बरेच जण ठणठणीत होऊन घरी परतले असून, येथील रेव्हेन्यू कॉलनी परिसरातील एका साठ वर्षीय महिलेचा रिपोर्ट पॉझिटिव्ह आला आहे. 
 

- मोठी बातमी : पुण्यात कोरोना रुग्णांबाबत नोंदविले गेलेत दोन रेकॉर्ड; वाचा सविस्तर​    

शिक्रापूर येथे आज सलग तिस-या दिवशीही कोरोनाचा कहर कायम असून, आजही एका दिवसात तेथे सात रूग्ण आढळले. त्याखालोखाल कोरेगाव भीमा येथे चार, सणसवाडीत तीन, तळेगाव ढमढेरे व रांजणगाव गणपती येथे प्रत्येकी दोन आणि इनामगाव, वढू बुद्रूक व कासारी येथे प्रत्येकी एक रुग्णाचा कोरोना रिपोर्ट पॉझिटीव्ह आला असल्याची माहिती तालुका आरोग्य अधिकारी डॉ. आर. डी. शिंदे यांनी दिली.

- पुणे जिल्ह्यातील नागरिकांनो सतर्क राहा; हवामान विभागानं दिलाय 'ऑरेंज अलर्ट'!​

शिरूर शहरातील कोरोनाबाधित रूग्णांची संख्या १५५ झाली असून, तालु्क्यातील बाधितांची संख्या ७०९ झाली आहे. शिक्रापूर, सणसवाडी हे कोरोनाचे हॉटस्पॉट ठरले असून, तेथे दैनंदिन रूग्णांची संख्या तालुक्यातील इतर भागांच्या तुलनेत अधिक आहे. हा औद्योगिक पट्टा असून, कारखानदारी सुरू झाल्याने व या परिसरातील विविध कारखाने व कंपन्यांतून कामासाठी पुणे व पिंपरी चिंचवड परिसरातील हॉटस्पॉट मधून कामगार येत असल्याची माहिती असून, प्रशासनाने याबाबत खबरदारी घ्यावी, अशी मागणी स्थानिकांनी केली आहे. -