पुणे : बुधवार पेठेतील वेश्‍यावस्तीत दहशत आणि वर्चस्व निर्माण करत आर्थिक फायद्याच्या उद्देशाने बाप्पू नायर टोळीचा तात्पुरता टोळी प्रमुख स्वप्नील मोडवे याने सनी कोलतेमार्फत संघटित टोळी तयार केली. त्यानंतर या आरोपींनी दीपक मारटकर यांचा खून केल्याचे पोलिस तपासात समोर आले आहे.

- पुण्यात ऑक्‍सिजन, रेमडेसिव्हिरचा पुरवठा सुरळीत ठेवा : अजित पवार

गुन्ह्यात अटक करण्यात आलेल्या प्रशांत ऊर्फ सनी प्रकाश कोलते (वय 25), राहुल श्रीनिवास रागीर (वय 22), रोहित ऊर्फ बाळा कमलाकर कांबळे (वय 22), रोहित दत्तात्रेय क्षीरसागर (वय 21), संदीप ऊर्फ मुंगळ्या प्रकाश कोलते (वय 23) आणि लखन मनोहर ढावरे (वय 30) यांच्या पोलिस कोठडीची मुदत संपत आल्याने त्यांना शुक्रवारी (ता.9) न्यायालयात हजर करण्यात आले होते. प्रथमवर्ग न्यायदंडाधिकारी आर. के. बाफना-भळगट यांनी त्यांच्या पोलिस कोठडीत दोन दिवसांची वाढ केली.

- लहान मुलांची भांडणं सोडवणं तरुणाला पडलं महागात; तिघांनी केले कोयत्याने वार​

गुन्ह्यात वापरण्यात आलेली हत्यारे आरोपींनी सनी कोलते राहत असलेल्या इमारतीच्या पार्किंगमधील नळाखाली धुतली. त्यानंतर, सर्वजण दौंड तालुक्‍यातील पांढरेवाडी परिसरातील एका लॉजमध्ये वास्तव्यास असल्याचे तपासादरम्यान समोर आले आहे. खून प्रकरणात नष्ट करण्यात आलेल्या पुराव्यांचा पंचनामा करण्यात आला आहे.

गुन्ह्यातील आरोपींविरोधात गंभीर स्वरूपाचे गुन्हे दाखल असून ते रेकॉर्डवरील सराईत गुन्हेगार आहेत. ते बापू नायर टोळीचे सक्रिय सदस्य आहेत. फरार आरोपीचा शोध घेऊन त्यास अटक करायची आहे. मारटकर यांचा खून हा नियोजनबद्ध कट असून तो पूर्णत्वास नेण्यासाठी यामध्ये आणखी कोणी आहे का? याचा तपास करायचा असल्याने आरोपींच्या पोलिस कोठडीत वाढ करण्याची मागणी सहायक सरकारी वकील ऍड. सुरेखा क्षीरसागर यांनी केली.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)