विश्रांतवाडी (पुणे) : हातावर पोट असलेल्या गरीब व गरजू, निराधार, धुणेभांडी व कचरा वेचणाऱ्या झोपडपट्टीतील लोकांचा अन्न सुरक्षा योजनेत त्वरित समावेश करून अन्नधान्याचा पुरवठा करावा. अन्यथा सर्व नागरिक रस्त्यावर उतरतील असा इशारा स्थानिक नागरिकांनी दिला आहे. 

तीस दिवसांच्या बाळाची झुंज यशस्वी; ससूनमध्ये उपचार

कोरोनाच्या संसर्गामुळे देशात लाॅकडाऊन करण्यात आले. यात येरवडा रेडझोनमध्ये असल्यामुळे नागरिकांना कुठल्याही प्रकारचा रोजगार नसल्यामुळे या परिसरातील धुणीभांडी, कागद-काच-पत्रा वेचक तसेच भंगार वेचकांना कुठल्याही प्रकारची मदत मिळाली नाही. शिवाय सध्या रोजगार नसल्यामुळे या नागरिकांचे गेली तीन महिन्यांपासून हाल होत आहेत. 

- पुण्याच्या बातम्या वाचण्यासाठी येथे ► क्लिक करा

प्रशासनाने सर्व नागरिकांना 'अन्न सुरक्षा योजने'त समावेश करुन योजनेचा लाभ द्या, अशी मागणी 
भारतीय जनता पक्षाचे वडगावशेरी मतदार संघाचे माजी सरचिटणीस दुर्गेश हातागळे यांनी येरवडा ई- परिमंडल विभाग अधिकारी प्रशांत खताळ यांना निवेदन देऊन केली आहे .प्रशासनाने त्वरित निर्णय न घेतल्यास प्रशासनाच्या विरोधात तीव्र आंदोलन केले जाईल असा इशारा दिला आहे .