पुणे - राज्यसेवा परीक्षा तोंडावर आलेली असताना शहरातील स्पर्धा परीक्षा क्लासेस पुन्हा एकदा १५ दिवसांसाठी बंद असल्याचा निर्णय घेतला आहे. त्यामुळे धास्तावलेल्या क्लास चालकांनी क्लासेसला ५० टक्के उपस्थितीमध्ये परवानगी द्यावी अशी मागणी विभागीय आयुक्त, जिल्हाधिकारी आणि महापालिका आयुक्तांकडे केली आहे.
- पुण्याच्या बातम्या वाचण्यासाठी येथे ► क्लिक करा
शहरात कोरोनाचा संसर्ग वाढत असल्याने २८ फेब्रुवारीपर्यंत शाळा, महाविद्यालये, कोचिंग क्लास बंद करण्याचा निर्णय घेण्यात आला. त्यानंतर आता पुन्हा एकदा १४ मार्चपर्यंत बंदी कायम ठेवण्यात आली आहे. त्यामुळे क्लास चालकांचे धाबे दणाणले आहे. पुण्यात एमपीएससी, यूपीएससी परीक्षांसाठी मार्गदर्शन करणाऱ्या क्लासचालकांनी एकत्र येऊन सोमवारी विभागीय आयुक्त, जिल्हाधिकारी कार्यालय, महापालिका आयुक्त कार्यालयात यासंदर्भात निवेदन दिले आहे.
आगामी काळात होणाऱ्या स्पर्धा परीक्षांसाठी विद्यार्थ्यांनी क्लासेस लावले होते. पण क्लास बंद केल्याने विद्यार्थी, क्लासचालक यांचे आर्थिक नुकसान होत आहे. त्यामुळे ५० टक्के उपस्थितीमध्ये स्पर्धा परीक्षा क्लासेस सुरू करण्याची परवानगी द्यावी अशी मागणी केली आहे.
स्पर्धा परीक्षा मार्गदर्शक नागनाथ गव्हाणे म्हणाले, ‘‘स्पर्धा परीक्षेचा अभ्यास करणारे विद्यार्थी हे सज्ञान आहेत. त्यांच्याकडून नियमांचे पालन योग्य पद्धतीने होऊ शकते. त्यामुळे ५० टक्के उपस्थितीमध्ये क्लास सुरू करण्याची परवानगी द्यावी अशी मागणी करण्यात आलेली आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.