वेल्हे (पुणे) : महाराणी सईबाई यांच्या पुण्यातिथीनिमित्त वेल्हे तालुक्यातील राजगड किल्ल्याच्या पायथ्याला असणाऱ्या पाल बुद्रुक येथील सईबाईंच्या समाधीस्थळावर विविध संघटनांच्या वतीने अभिवादन करण्यात आले. शिवकालीन इतर समाधींबद्दल जेवढी मराठी माणसाला निष्ठा व आत्मियता आहे, तेवढाच आदर या समाधीबद्दल मराठी माणसाला आहे. त्यामुळे येथील समाधीच्या कामास लवकर सुरवात करावी, अशी मागणी शिवशंभो प्रतिष्ठाण व बारा गाव मावळ परिवार व स्थानिक मावळ्यांच्या वतीने या वेळी करण्यात आली.
या वेळी शिवशंभो प्रतिष्ठान व बारा गाव मावळ परिवाराच्या वतीने येथे पादुकांची स्थापना करून त्यांचे पूजन करण्यात आले. साडी चोळीने या ठिकाणी ओटी भरण्यात आली. या वेळी जय जिजाऊ- जय शिवराय या घोषणांनी परिसर दुमदुमुन गेला. या वेळी सरपंच गोरक्ष शिर्के, शिवशंभो प्रतिष्ठाण व बारा गाव मावळ परिवारचे महेश कदम, सचिन खोपडे, महेंद्र देवघरे, जगदीश धुमाळ, राहुल ढेबे, सुरेश निगडे, संतोष झिरपे, संभाजी ब्रिगेडचे प्रदीप बेलदरे, हर्षवर्धन मगदुम, नाना धुमाळ आदी शिवभक्त उपस्थित होते.
छत्रपती शिवाजी महाराजांच्या पत्नी व छत्रपती संभाजी महाराजांच्या मातोश्री राणी सईबाई यांची समाधी राजगड किल्ल्याच्या पायथ्याला पाल बुद्रुक येथे आहे. ही समाधी अद्याप दुर्लक्षित आहे. या ठिकाणी कोणत्याही प्रकारचे बांधकाम झालेले नाही. शिवशंभो प्रतिष्ठाण व बारा गाव मावळ परिवाराच्या वतीने येथे काही महिन्यांपूर्वी निवारा शेड उभे करण्यात आले आहे. बुधवारी (ता. २) येथील परिसरात वाढलेले गवत व झुडपे काढल्याने शिवभक्तांना आज येथे आदराजंली वाहता आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.