पुणे : राज्यात बहुतेक ठिकाणी ऑनलाईन शिक्षण सूरू असले तरी आता या पद्धतीने शिकण्याला वेळेची मर्यादा घालण्यात आली आहे. पूर्व प्राथमिक शिक्षणासाठी ३० मिनिटे, तर नववी ते बारावीसाठी दरदिवशी केवळ तीन तास ऑनलाईन शाळा असावी, असे स्पष्ट आदेश शालेय शिक्षण विभागाने दिले आहेत. त्यामुळे काही दिवसांपासून सूरू असलेले अमर्याद ऑनलाईन शिक्षणाला लगाम लागण्याची शक्यता वर्तविण्यात येत आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

राज्यात कोविड-१९ च्या प्रादुर्भावामुळे शाळा प्रत्यक्षात सूरू करणे अशक्य असल्याने १५ जूनपासून शैक्षणिक वर्ष सुरू करण्यात आले. शाळा प्रत्यक्षात सुरू झाल्या नसल्या तरी ऑनलाईन शाळा भरविल्या जात आहेत. सुरुवातीला शालेय शिक्षण विभागाने जाहीर केलेल्या सूचनांमध्ये पूर्वप्राथमिक ते दुसरी पर्यंतच्या वर्गाना ऑनलाईन शिक्षण देण्यात येेऊ नये असा निर्णय होता. आता त्या निर्णयात बदल करण्यात आला असून पूर्वप्राथमिक ते दुसरी पर्यंतच्या ऑनलाइन वर्गांना वेळ ठरवून देण्यात आले आहे.

पूर्व प्राथमिक ते दुसरीपर्यंतच्या वर्गाला ऑनलाईन शिक्षण देणाऱ्या शाळांवर कारवाई करू नये असे अंतरिम आदेश उच्च न्यायालयाने दिल्यानंतर शिक्षण विभागाने ऑनलाईन शिक्षणाचे हे सुधारित वेळापत्रक जाहीर केले आहे. याबाबत शिक्षण विभागाने नवीन परिपत्रक जाहीर केले असून पूर्व प्राथमिक, इयत्ता पहिली, दुसरीसाठी सुद्धा ऑनलाईन वर्ग घेण्याबाबत वेळापत्रकात माहिती दिली आहे. त्याशिवाय ऑनलाईन शिक्षणात विद्यार्थी-शिक्षक यांच्याबरोबर आता पालकांना देखील सहभागी करून घेण्यात आले आहे. पूर्व प्राथमिक ते बारावीपर्यंतच्या वर्गांचे ऑनलाईन शिक्षण शाळा आणि शैक्षणिक संस्थांनी कशा स्वरुपात आणि किती वेळ घ्यावे याबाबत सूचना दिल्या आहेत. यापूर्वी लॉकडाऊन शिथिल झाल्यानंतर टप्प्या-टप्प्याने राज्यातील शाळा सुरु करण्यासंदर्भात अंदाजे तारखा शिक्षण विभागाकडून देण्यात आल्या होत्या. त्यामध्ये ऑनलाईन शिक्षण देण्याचेही आदेश दिले होते. परंतु आता त्यात काही बदल केले असून अतिरिक्त सूचना शालेय शिक्षण विभागाचे उप सचिव राजेंद्र पवार यांनी परिपत्रकाद्वारे जाहीर केल्या आहेत.

स्वतःला सावरत, धीर देत त्यांनी केली आत्मविश्‍सासाने कोरोनावर मात

पूर्व प्राथमिक ते इयत्ता बारावीपर्यंतच्या ऑनलाईन वर्गांचे सुधारित वेळापत्रक आणि स्वरूप :
- इयत्ता : वार : ऑनलाईन शिक्षणाचा कालावधी : शिक्षणाचे स्वरूप
- पूर्व प्राथमिक : सोमवार ते शुक्रवार : प्रत्येक दिवशी ३० मिनिटांपर्यंत : पालकांशी संवाद आणि त्यांना मार्गदर्शन
- पहिले ते दूसरी : सोमवार ते शुक्रवार : प्रत्येक दिवशी ३० मिनिटांची दोन सत्र : १५ मिनिटे -पालकांशी संवाद आणि त्यांना मार्गदर्शन. १५ मिनिटे - विद्यार्थ्यांना उपक्रमावर आधारित शिक्षण
- तिसरी ते आठवी : --- : प्रत्येक दिवशी ४५ मिनिटांची दोन सत्रांपर्यंत : विद्यार्थ्यांना ऑनलाईन शिक्षण
- नववी ते बारावी : ---- : प्रत्येक दिवशी ४५ मिनिटांची चार सत्रांपर्यंत : विद्यार्थ्यांना ऑनलाईन शिक्षण

अरे देवा! पुणे महापालिकेचा आरोग्य विभागच पडला आजारी

इयत्ता तिसरीपर्यंत असणार केवळ पाच दिवसांची ऑनलाईन शाळा

शालेय शिक्षण विभागाच्या सुधारित वेळापत्रकामध्ये आठवड्यातील किती दिवस ऑनलाईन वर्ग घेण्यात यावेत, हे देखील सांगण्यात आले आहे. त्यानुसार पूर्व प्राथमिक ते इयत्ता तिसरीपर्यंतचे शिक्षण घेणाऱ्या विद्यार्थ्यांसाठी केवळ सोमवार ते शुक्रवारपर्यंतच ऑनलाईन वर्ग भरविण्यात यावेत, अशा सूचना करण्यात आल्या आहेत.