पुणे : डेक्कन एज्युकेशन सोसायटीचे (डीईएस) कार्यवाह आणि राष्ट्रीय स्वयंसेवक संघाचे ज्येष्ठ स्वयंसेवक डॉ. श्रीकृष्ण नीळकंठ कानेटकर (वय ६१) यांचे आज दुपारी प्रदीर्घ आजाराने निधन झाले.
सन १९९९-२०००, सन २००९ ते २०१३ आणि १ जानेवारी २०१९ पासून आजपर्यंत कानेटकर यांनी डीईएसचे कार्यवाह म्हणून जबाबदारी पार पाडली. ते डीईएसचे आजीव सभासद होते. जगन्नाथ राठी व्होकेशनल गायडन्स ऍण्ड ट्रेनिंग इन्स्टिट्यूटचे (जेआरव्हीजीटीआय) संचालक म्हणून त्यांनी काम पाहिले.
डॉ. कानेटकर राष्ट्रीय स्वयंसेवक संघाचे सांगली जिल्हा कार्यवाह म्हणून जबाबदारी पार पाडली. पुण्यातील रा. स्व. संघाच्या विद्यापीठ भागाचे ते सहकार्यवाह होते. संघाच्या ‘सांस्कृतिक वार्तापत्रा’चे कार्यवाह म्हणून त्यांनी काम पाहिले. घोष विभागातील स्वयंसेवक म्हणून त्यांची ओळख होती.
डॉ. कानेटकर यांनी १९८१ मध्ये कोल्हापूरच्या शिवाजी विद्यापीठातून ‘इन्व्हायरनमेंटल मायक्रोबायोलॉजी‘ या विषयातील एम. एस्सी. पीएच. डी. पदवी संपादन केली होती. महाविद्यालयीन जीवनात विभागीय क्रिकेट स्पर्धेत त्यांनी सायन्स कॉलेज, कराडचे प्रतिनिधित्व केले. या संघाचे ते दोन वर्षे कर्णधार होते.
डेक्कन एज्युकेशन सोसायटीतील महाविद्यालयांमध्ये २६ वर्षे पदवीपर्यंतच्या आणि ८ वर्षे पदव्युत्तर पदवीच्या विद्यार्थ्यांना शिकविण्याचा त्यांचा अनुभव होता. डेक्कन एज्युकेशन सोसायटीच्या श्रीमती सुभद्रा के. जिंदाल कॉलेज ऑफ नर्सिंग आणि श्री ब्रिजलाल जिंदाल कॉलेज ऑफ फिजिओथेरपी या दोन संस्था सुरू करण्यात त्यांचा मोलाचा वाटा होता. त्यांच्या पश्चात मुलगा, सून, मुलगी, जावई आणि नातवंडे असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.