उंड्री-पिसोळी : जगाला डिजिटल साक्षरतेची गरज आहे. शिक्षकांच्या माध्यमातून डिजिटल साक्षरतेमध्ये खूप काम करता येईल, त्यातून मोठा बदल होण्यास मदत होईल. युवकांमध्ये आत्मविश्वास निर्माण करू शकतो. तंत्रज्ञानाप्रमाणे आपणही आपल्यात बदल केला पाहिजे. साक्षरतेच्या माध्यमातून सायबर फसवणूक टाळता येईल आणि सुदृढ जागतिक समाज निर्माण करू शकतो, असे विचार कॉमर्स फॅकल्टीच्या डीन डॉ. हर्षा गोयल यांनी मांडले.

रयत शिक्षण संस्थेच्या हडपसरमधील एस. एम. जोशी कॉलेजमध्ये अर्थशास्त्र व राज्यशास्त्र विभाग अंतर्गत आंतरराष्ट्रीय साक्षरता दिनानिमित्त ऑनलाइन वेबिनार आयोजित करण्यात आले होते. याप्रसंगी महाविद्यालयाचे प्राचार्य डॉ. चंद्रकांत खिलारे, उपप्राचार्य संजय जडे, उपप्राचार्य डॉ. संजय जगताप, आय.क्यू.ए.सी. चेअरमन डॉ. किशोर काकडे, प्राध्यापक व शिक्षकेतर सेवक याप्रसंगी उपस्थित होते. डॉ. एकनाथ मुंडे यांनी प्रास्ताविक केले. डॉ. सरोज पांढरबळे यांनी आभार मानले.