पुणे : शासकीय तंत्रनिकेतनांमध्ये (पॉलिटेक्निक) अधिकाधिक विद्यार्थ्यांनी प्रवेश घ्यावा, यासाठी प्रयत्न सुरू असतानाही यंदा 25 टक्के जागा रिक्त राहणार आहेत. याची चिंता म्हणून तंत्रशिक्षण विभागाने प्रवेश वाढविण्यासाठी विविध पाऊले टाकली आहेत.

पुण्यात आज पावसाचा इशारा

उद्योगांमध्ये रोजगारासाठी उपयुक्त आणि अभियांत्रिकीच्या थेट दुसऱ्या वर्षाला प्रवेश देणारा तंत्रशिक्षण पदविका अभ्यासक्रम आहे. राज्यात चारशे तंत्रनिकेतनांसाठी आता प्रवेश प्रक्रिया सुरू झाली आहे. परंतु, विद्यार्थ्यांकडून प्रवेश अर्ज भरण्याचा‌ वेग अजूनही मंद आहे. तो वाढविण्यासाठी तंत्रशिक्षण संचालनालय आणि राज्य तंत्रशिक्षण मंडळ प्रयत्नशील आहे. त्यामुळे यंदा राज्यभरात तंत्रनिकेतनांमधील एक लाख पाच हजार जागांपैकी तीस टक्के जागा रिक्त राहणार असल्याचा अंदाज बांधला जात आहे.

अर्ज भरण्याचे प्रमाण कसे वाढविता‌ येईल, याबाबत तंत्रशिक्षण विभाग आढावा घेत आहे. प्रवेशासाठी आवश्यक शासकीय प्रमाणपत्रे, दाखले विद्यार्थ्यांना तत्काळ मिळावी, यासाठी तंत्रनिकेतनांचे प्राचार्य, विभागातील अधिकारी प्रयत्न करणार आहेत. दाखले देणाऱ्या यंत्रणेतील तहसीलदार, उपजिल्हाधिकारी यांच्या प्रत्यक्ष भेटी आणि दूरध्वनीवरून संपर्क साधून दाखले त्वरित देण्याविषयी त्यांना विनंती केली जाणार आहे. विद्यार्थ्यांना देखील संपर्क साधला जात आहे.

पुरंदर विमानतळाच्या निर्णयाच्या टेकआॅफविनाच बैठक

याबाबत तंत्रशिक्षण सहसंचालक डॉ. दिलीप नंदनवार यांना सांगितले की, आमची यंत्रणा नोव्हेंबर, डिसेंबर महिन्यात शाळांमध्ये जाऊन विद्यार्थ्यांपर्यंत पोचले होते. त्यांना पदविका अभ्याक्रमाविषयी माहिती देण्यात‌ आली. पदविका अभ्यासक्रमाला प्रवेश घेण्यास उद्युक्त‌ केले होते. आता देखील प्रवेश अर्ज भरण्यासाठी या विद्यार्थ्यांशी मोबाईल वा दूरध्वनीद्वारे संपर्क करण्यात आहे. जास्तीत‌ जास्त विद्यार्थ्यांनी तंत्रनिकेतनांमध्ये प्रवेश घ्यावा, ‌यासाठी प्रयत्न केला जात आहे.

पुण्याच्या इतर बातम्या वाचण्यासाठी येथे क्लिक करा

राज्यातील स्थिती
तंत्रनिकेतने : 400
प्रवेश क्षमता : 1 लाख 5000
आतापर्यंत प्रवेश अर्ज : 68 हजार

दहावीनंतर पदविका अभ्यासक्रमाला प्रवेश घेतल्यास 19 वा 20 व्या वर्षी विद्यार्थी पदविकाधारक होतो. त्याला उद्योगांमध्ये नोकरीही मिळते. पण, एवढ्या‌ कमी वयात नोकरी करण्यापेक्षा पदवी शिक्षण घेण्याकडे विद्यार्थ्यांचा कल असतो. पाल्याने उच्च शिक्षण घ्यावे, अशी पालकांची मानसिकता असते. त्यामुळे पदविका घेतल्यानंतर विद्यार्थी अभियांत्रिकी पदवी अभ्यासक्रमाकडे वळतात. तंत्रनिकेतनांमध्ये जास्तीत‌ जास्त विद्यार्थ्यांनी प्रवेश घ्यावा‌ यासाठी विशेष प्रयत्न केले जात आहेत. ऑनलाइन अर्ज भरण्यासाठी 4 सप्टेंबर मुदत आहे. त्यामुळे ही संख्या अजून वाढेल, अशी अपेक्षा आहे.
- डॉ. दिलीप नंदनवार, 
तंत्रशिक्षण सहसंचालक