पुणे : युतीच्या चर्चेत भोसरीच्या जागेवरून तिढा निर्माण झाल्याचे पाहायला मिळत आहे. शिवसेनेच्या भूमिकेमुळे हा तिढा निर्माण झाला असून भोसरी विधानसभा मतदारसंघावर शिवसेनेने दावा केला आहे.

उदयनराजेंच्या बाबतीत नेमकं काय घडलं?

शिवसेनेचे उपनेते शिवाजीराव आढळराव-पाटील यांच्यामार्फत पक्षप्रमुख उद्धव ठाकरे यांच्याकडे शिवसेनेकडून भोसरी जागेची मागणी करण्यात आली आहे. सध्या महेश लांडगे भोसरीचे आमदार असून, ते भाजपचे सहयोगी सदस्य आहेत. त्यामुळे भोसरीच्या जागेवरून सेना-भाजपमध्ये तिढा निर्माण होण्याची शक्यता आहे. 

महाराष्ट्रात विधानसभा निवडणुकीची आचारसंहिता 'या' तारखेपासून

दरम्यान, आज भाजप आणि शिवसेनेत जागा वाटपाबाबत बैठक झाली असून ही बैठक मंत्रालयात सुभाष देसाई यांच्या कार्यालयात बैठक पार पडली. बैठकीला शिवसेनेकडून सुभाष देसाई तर भाजपकडून चंद्रकांत पाटील आणि गिरीष महाजन हे उपस्थित होते.

शिवसेना नेते सुभाष देसाई यांच्याशी झालेल्या बैठकीचा तपशील चंद्रकांत पाटील आणि गिरीश महाजन यांनी मुख्यमंत्र्यांना दिला असून भाजप शिवेसेनेच्या बैठकीत काही जागांच्या अदलाबदलीविषषी चर्चा झाल्याचे सांगण्यात आले आहे. तसेच घटकपक्षांना नेमक्या कोणत्या १८ जागा द्यायच्या याविषयी बैठकीत चर्चा झाली.- भाजप सेनेचा जागावाटपाचा फाॅर्म्युला अंतिम झाल्यावरच भाजपचे अध्यक्ष शिवसेनापक्षप्रमुख उद्धव ठाकरे यांची भेट घेणार असल्याचेही सांगण्यात आले आहे.