बारामती (पुणे) : कोरोनाशी दोन हात करणाऱ्या आरोग्य व पोलिस विभागाच्या सहका-यांच्या सुरक्षिततेसाठी चॉकलेट निर्मिती करणाऱ्या फेरेरो इंडिया प्रा. लि. कंपनीने सातशेहून अधिक पीपीई किट व फेस शिल्ड मास्कचे आज वाटप केले. कंपनीने सामाजिक बांधिलकीच्या माध्यमातून हा उपक्रम राबविल्याचे फेरेरोच्या वतीने प्लँट एचआर विभागाचे प्रमुख उमेश दुगाणी यांनी यावेळी सांगितले.
या प्रसंगी रिसर्च अँड डेव्हलपमेंटचे प्रमुख मास्सीमो मॉर्गन्टी, इमसोफर कर्मचारी संघटनेचे प्रमुख बाळासाहेब डेरे, कृपा राय, योगेश मगदूम, प्रशांत काळभोर, महा संस्थेचे विजय वरुडकर तसेच उद्योजक रवींद्र काळे, एमआयडीसीचे अभियंता स्वप्नील जगताप हे उपस्थित होते. आज रुई येथील कोविड केअर सेंटरला तालुका आरोग्य अधिकारी डॉ. मनोज खोमणे, रुईचे वैद्यकीय अधीक्षक डॉ. सुनील दराडे यांच्याकडे हे किट सुपूर्द करण्यात आले. येथे या पीपीई किटची सर्वाधिक गरज होती.
फेरेरोने दिलेल्या या मदतीबद्दल खोमणे व दराडे यांनी कंपनीप्रती कृतज्ञता व्यक्त केली.
दरम्यान अतिरिक्त पोलिस अधीक्षक मिलिंद मोहिते व पोलिस निरिक्षक अण्णासाहेब घोलप यांच्याकडेही आज फेस शिल्ड मास्क व पीपीई किट प्रदान केले गेले. त्यांनीही कंपनीच्या उपक्रमाची प्रशंसा केली. सिल्व्हर ज्युबिली रुग्णालयातही डॉ. सदानंद काळे यांच्याकडे मास्क आणि पीपीई किट सुपूर्द करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.