पुणे : पुण्यात दिवसेंदिवस कोरोनाचा फैलाव वाढत असताना दुसरी एका डॅाक्टरचा नर्सशी वागण्याचा धक्कादायक व्हिडिओ व्हायरल झाला आहे. ''काम जमत नसेल तर रूम खाली. तुमचे सामान मी बाहेर फेकून देतो''अशी धमकीच हा डॅाक्टर देत आहे. त्यामुळे कोरोना वॅारिअर्स ठरणाऱया डॅाक्टराच्या अशा वागणुकीमुळे मुलींवर शेवटी काम सोडण्याची वेळी आली आहे. पुण्यातील गणेश पेठेतील हॅास्पिटलमधील हा प्रकार आहे.

- ताज्या बातम्यांसाठी डाऊनलोड करा ई-सकाळचे ऍप  

या हॉस्पिटलमध्ये काम करणाऱ्या पाच नर्स मुली सिंधुदुर्ग जिल्ह्यातील सांवतवाडी येथील आहे. कोरोनाचा वाढत्या प्रभावामुळे त्यांना कुटुंबीयांकडून सुरक्षितता बाळगण्याचे वारंवार फोन येत आहेत. तसेच या मुलींचे आई वडील डॅाक्टरांना फोन करून मुलींना घरी सोडण्याची विनंती करत आहे.

पुण्याच्या इतर बातम्या वाचण्यासाठी येथे- क्लिक करा

''आमच्या मुलींना कोरोनाची लागण झाल्यास जबाबदार कोण?'' असा सवाल त्यांनी डॅाक्टरला विचारल्याने डॅाक्टर चांगलेच संतापले. त्यांनी या सर्व मुलींना जमत नसेल तर काम सोडण्याचे आणि लगेच रूम सोडण्याचे अजब फर्मानच सोडले. 'तुमच्या आई वडिलांना काय कळते. त्यांनी घरी भांडीच घासावी. मला शिकवू नये. त्यांचे मला काही सांगू नका. उद्या सकाळपर्यंत रुम खाली करा, असा दम भरून त्या डॅाक्टरने मुलींच्या आई वडिलांना अश्लिल शिवीगाळ केली आहे. त्यामुळे मुलींना काम सोडण्याचा निर्णय घेतला आहे.  या घडनेचा व्हिडिओ सोशल मीडियावर व्हायरल होत आहे. 

घसा ओला करण्यासाठी तळीरामांची झुंबड, लॉकडाऊनचा फज्जा

कोरोनामुळे सध्या डॉक्टर, नर्स यांना सध्या सर्वात जास्त वेळ काम करावे लागत आहे. दरम्यान, कोरोनाच्या भीतीसोबत त्यांना वेगवेगळ्या समस्यांना समोरे जावे लागत आहे. या प्रकाराबाबत संबंधित डॅाक्टरची बाजू जाणून घेण्याचा प्रयत्न केला असता त्यांना फोन नेटवर्क बाहेर लागला.

होय,  पुण्यात दारू मिळविण्यासाठीच मिळताहेत पैसे