भोसरी - पोलिस आणि नागरिकांच्या सहकार्याने येथे गेल्या तीन दिवसांपासून सुरू असलेली कडक संचारबंदी यशस्वी झाली. मात्र, सोमवारी (ता. 13) ही संचारबंदी काहीशी शिथील करण्यात आल्यानंतर परिसरातील किराणा मालाच्या दुकानात नागरिकांनी खरेदीसाठी गर्दी केली. तसेच सोशल डिस्टन्सिंचे "तीनतेरा' वाजले. 

बातम्या ऐकण्यासाठी डाऊनलोड करा ई-सकाळचे ऍप

भोसरीत शुक्रवारपासून (ता. 10) रविवारपर्यंत (ता. 12) कडक संचारबंदी लागू करण्यात आली होती. त्यात औषधांच्या दुकानाव्यतिरिक्त काहीही सुरू नव्हते. पोलिसांनी कडक बंदोबस्त ठेवत संचारबंदी यशस्वी केली. त्याला नागरिकांनीही चांगले सहकार्य केले. मात्र, सोमवारी संचारबंदीत काहीशी शिथिलता दिली. त्यामुळे किराणामाल घेण्यासाठी नागरिकांनी गर्दी केली. सोशल डिस्टंसिंगचा पाळले गेले नाही. पोलिसांनी मात्र भोसरीतील पीएमटी चौक आणि पुणे-नाशिक महामार्गाच्या सेवा रस्त्यावरील फळे विक्रेत्यांना हुसकावून लावले. त्याचप्रमाणे चौकाचौकात पोलिस बंदोबस्तही चोख ठेवण्यात आला होता. 

coronavirus : कोरोनाचा संसर्ग रोखण्यासाठी पोलिसांकडून प्रबोधन