पुणे - ‘विज्ञान (Science) व तंत्रज्ञानाच्या (Technology) माध्यमातून विकास (Development) साधणे गरजेचे आहे. यामुळे तंत्रज्ञान वापरल्याशिवाय आज पर्याय (Option) नाही. तंत्रज्ञानाचे गुलाम (Slave) नव्हे, तर मास्टर व्हा,’ असा सल्ला ज्येष्ठ शिक्षणतज्ज्ञ व लेखक डॉ. पंडित विद्यासागर (Dr Pandit Vidyasagar) यांनी दिला. (Dont be a slave to technology Dr Pandit Vidyasagar)

राष्ट्रीय तंत्रज्ञान दिनानिमित्त गुगल मिटद्वारे ‘यिन’च्या महाविद्यालयीन विद्यार्थ्यांना मार्गदर्शन करताना ते बोलत होते. डॉ. पंडित विद्यासागर म्हणाले, ‘जे आपल्याला शक्य आहे ते स्वतः करायला हवे. तंत्रज्ञानामुळे आपला वेळ वाचला, पण तो वेळ त्यापेक्षा जास्त तंत्रज्ञान अजून विकसित कसे करता येईल का, हे पाहण्यात घालवावा. तंत्रज्ञानाच्या मोठ्या संधींना सोबत घेऊन पुढे जायचे आहे.’

तंत्रज्ञानाचा अतिवापर केला, तर त्याचे दुष्परिणाम होतात. सौर ऊर्जेचा जास्त वापर कसा करता येईल, याकडे लक्ष देणे गरजेचे आहे. तरुणांनी या क्षेत्रात संधी शोधल्या पाहिजे. तंत्रज्ञानाचा विकास झाला की, देशसुद्धा विकसित असल्याचे त्यांनी सांगितले.

ते म्हणाले, ‘‘कोरोनाच्या काळात शिक्षण ऑनलाइन झाले आहे. मात्र, यामुळे व्यवहार ज्ञानाकडे कल कमी होताना दिसत आहे. तंत्रज्ञानाने कृत्रिम बुद्धिमत्ता विकसित झाली आहे; पण मानवी मेंदूची क्षमता कमी होताना दिसून येत आहे. तंत्रज्ञानमुळे क्षमता विकसित व्हावी; पण त्याचा ऱ्हास होता कामा नये.’’ प्रास्ताविक विद्यार्थी सचिन रानवडे यांनी केले. आभार सृष्टी मोरे यांनी मानले.