पुणे : अकाउंट हॅकिंगद्वारे फसवणुकीपेक्षा वैयक्तिक माहिती अनोळखी व्यक्तींना दिल्यामुळे होणाऱ्या फसवणुकीचे प्रमाण अधिक आहे. महिला या बाबतीत भावनिक होऊन विचारलेली माहित देत असल्यामुळे त्यांची फसवणूक मोठ्या प्रमाणावर होते, त्यामुळे महिलांनी भावनिक होऊन वैयक्तिक माहिती इतरांसोबत शेअर करू नये, असे आवाहन सायबर गुन्हे शाखेच्या पोलिसांनी केले.

ताज्या बातम्यांसाठी डाऊनलोड करा ई-सकाळचे ऍप  

माहिती व जनसंपर्क महासंचालनालयाच्या विभागीय माहिती कार्यालय, जिल्हा माहिती कार्यालय आणि सावित्रीबाई फुले पुणे विद्यापीठाच्या संज्ञापन व वृत्तपत्रविद्या विभागाच्या वतीने सोमवारी "सायबर गुन्हे आणि महिला सुरक्षा' विषयावर कार्यशाळेचे आयोजन करण्यात आले. विभागीय माहिती उपसंचालक मोहन राठोड, सहायक पोलिस निरीक्षक अश्विनी पाटील, पोलिस उपनिरीक्षक रुपाली पवार, प्रिया टिळेकर, संज्ञापन व वृत्तपत्रविद्या विभागाच्या विभागप्रमुख प्रा. डॉ. उज्ज्वला बर्वे, प्रा. डॉ. संजय तांबट, प्रभारी जिल्हा माहिती अधिकारी वृषाली पाटील आदी या वेळी उपस्थित होते. 

भाजपच्या 'या' खासदाराविरुद्ध फसवणूकीचा गुन्हा दाखल

पाटील म्हणाल्या, महिलांसाठी 1091 आणि 100 क्रमांकाची हेल्पलाईन आहे. महिलांनी संकटात न घाबरता पोलिसांशी संपर्क साधल्यास तात्काळ मदत पोचू शकते. मॅट्रिमोनिअल साइट, फेसबुक, व्हॉट्‌सऍप, इन्स्टाग्रामच्या माध्यमातून अनेकांची फसवणूक होते. त्यात शाळकरी मुलींपासून प्रौढ महिलांचे प्रमाण सर्वाधिक आहे. तर, आपल्या हातून काही चूक घडल्यास वेळीच घरच्यांना विश्वासात घेऊन पोलिसांशी संपर्क साधावा. अकाउंटची सत्यता तपासावी. फेसबुक आणि इतर अकाउंटची माहिती मर्यादित ठेवावी, असे आवाहन पवार यांनी केले.