पुणे : औद्योगिक प्रशिक्षण संस्थेत (आयटीआय) प्रवेश घेण्यासाठी व्यवसाय शिक्षण व प्रशिक्षण संचालनालयाकडून (डीव्हीईटी) राबविण्यात येणाऱ्या ऑनलाइन प्रवेश प्रक्रियेला यंदाही चांगला प्रतिसाद मिळत आहे. आयटीआयला प्रवेशासाठी नोंदणी केलेल्या विद्यार्थ्यांची संख्या तीन लाखांच्याही पुढे गेली आहे. 

- विद्यार्थ्यांच्या खात्यात आठवडाभरात पैसे जमा होणार; धनंजय मुंडे यांची घोषणा​

यंदा आयटीआय प्रवेशासाठी एकूण एक लाख ४५ हजार ६३२ जागा उपलब्ध आहेत. आयटीआय प्रवेश क्षमतेच्या दुप्पट अर्ज सध्या आले आहेत. त्यामुळे यंदा आयटीआय प्रवेशाच्या जागा रिक्त राहण्याची शक्यता नाही.

आयटीआय प्रवेश प्रक्रियेत सहभागी होण्यासाठी सोमवारपर्यंत (ता. ३१) अंतिम मुदत आहे. आतापार्यंत तीन लाखांहुन अधिक विद्यार्थ्यांनी प्रवेशासाठी नोंदणी केली आहे. अडीच लाखांहुन अधिक विद्यार्थ्यांनी अर्ज भरून पूर्ण केले आहेत. राज्यातील सरकारी आणि खासगी आयटीआयमधील प्रवेशासाठी ही प्रक्रिया राबविली जात आहे. 

- विद्यार्थ्यांच्या खात्यात आठवडाभरात पैसे जमा होणार; धनंजय मुंडे यांची घोषणा​

राज्यातील आयटीआयची सद्यस्थिती:
- ३५८ तालुक्यात एकूण ४१७ आयटीआय
- राज्यातील एकूण प्रवेश क्षमता : एक लाख ४५ हजार ६३२
- आदिवासी भागात ६१ संस्था
- अनुसूचित जाती व नव बौध्दांच्या मुलामुलींसाठी चार उच्च स्तर संस्था
- अल्पसंख्याकांसाठी स्वतंत्र दोन संस्था
- ४३ शासकीय संस्था
- २८ आदिवासी आश्रमशाळा आयटीआय
- खासगी आयटीआय : ५३८ 

- पुण्याच्या बातम्या वाचण्यासाठी येथे ► क्लिक करा