पुणे : जलवाहिनी फुटल्याने बुधवारी रात्री सिंहगड रस्ता परिसरात पाणीच पाणी झाले. सिंहगड ररस्त्यावर गणेशमळा भागात सरीतानगरी ही मोठी सोसायटी आहे. या सोसायटीच्या इमारतीच्या मागील बाजूस अचानक महापालिकेची जलवाहिनी फुटली. त्यातून बराच वेळ दाबाने पाणी वाहत होते. त्यामुळे परिसरात पाणीच पाणी झाले.

एकीकडे ''पाणी जपून वापरा' असा संदेश महापालिका देत आहे. मात्र दुसरीकडे पाणी वाया जाण्याच्या प्रमाणात वाढ होत आहे. पर्वती जलशुद्धीकरण केंद्राच्या परिसरात जलवाहिनी फुटण्याच्या घटनांत वाढ झाली आहे. वारंवार जलवाहिनी फुटून पाणी रस्त्यावर वाया जात आहे. 

"सरीतानगरी येथून जाणाऱ्या 44 इंचाच्या जलवाहिनीवर व्हॉल्व्ह बसविण्याचे काम सुरु आहे. तो बसविताना अडचण आल्याने काही प्रमाणात पाणीगळती झाली. ही गळती आता रोखण्यात यश आले आहे,'' असे पाणीपुरवठा विभागाचे प्रमुख व्ही. जी. कुलकर्णी यांनी सांगितले. 
 

#WeCareForPune आम्ही आहोत पुण्याचे सजग नागरिक

तुम्ही सजग नागरिक आहात का? तुमच्या आजुबाजूला घडणार्‍या गोष्टी, तुम्हाला जाणवणार्‍या समस्या, त्यावरचे उपाय हे सगळे मांडण्यासाठी आता तुमच्यासाठी हक्काचे 'संवाद' हे माध्यम उपलब्ध करून देण्यात आले आहे. यासाठी 'सकाळ संवाद' मोबाईल अॅप्लिकेशन डाऊनलोड करा. त्याद्वारे तुम्ही आम्हाला फोटो, व्हिडिओ आणि बातम्या पाठवू शकता. हे करताना आपले संपूर्ण नाव आणि संपर्क क्रमांक आवर्जून द्या. #WeCareForPune या उपक्रममध्ये सहभाग घ्या. 

#SakalSamvad #WeCareForPune