पिंपरी : शहरात टोळक्‍याचा धुडगूस, तोडफोड करीत माजविली दहशत, वाहनचोरी करणारी टोळी जेरबंद, पाच जणांकडून एकाचा खून, अशा घटना सध्या कानावर पडत नाही. ही बाब कायदा-सुव्यवस्थेच्या दृष्टीने चांगलीच आहे. मात्र, अशा गुन्ह्यांतील सराईत गुन्हेगार, टवाळखोर, नामांकित गुन्हेगारी टोळीतील सदस्य सध्या करतात तरी काय?
पिंपरी-चिंचवड शहरातील खून, दरोडा, तोडफोड, दहशत माजविणे अशा गुन्ह्यांचे प्रमाण अचानक घटले आहे. पोलिस आयुक्तालयांतर्गत असलेल्या 15 पोलिस ठाण्यांमध्ये दररोज प्रत्येकी किमान तीन-चार गुन्ह्यांची नोंद होत. मात्र, हे प्रमाण मागील महिनाभरापासून अत्यल्प झाले आहे. दरम्यान, कोरोनाचा संसर्ग रोखण्यासाठी सर्वत्र संचारबंदी लागू करण्यात आली.
पोलिसांनी शहरातील मुख्य चौकासह रस्त्यांवर सुमारे 90 ठिकाणी नाकाबंदी केली असून वाहनांची तपासणी केली जात आहे. विनाकारण रस्त्यावर फिरणाऱ्यांवर कारवाई केली जात आहे. त्यामुळे एकीकडे कोरोनाच्या संसर्गाची भीती तर दुसरीकडे पोलिसांचा धाक असल्याने गुन्हेगार घराच्या बाहेर पडत नसल्याचे दिसून येते. गुन्हेगारी टोळ्याही शांत आहेत.
गुन्हेगारांचं 'असं' चाललंय
(वरिष्ठ पोलिस अधिकाऱ्यांनी नोंदविलेली मते)
- टोळीत किमान पाच ते सात जणांचा समावेश असतो. मात्र, सध्या जमावबंदी व संचारबंदी लागू असल्याने एकत्र येणेही शक्‍य होत नाही. त्यामुळे टोळी तयार करणे तर दूरच गुन्हा करण्याचे धाडसही केले जात नाही. यावरून या टोळ्या सध्या सक्रीय नसल्याचे दिसून येते. तर काही गुन्हेगार सील केलेल्या भागातच अडकून पडल्याने देखील गुन्ह्यांना पायबंद बसला असल्याचे दिसून येते.
- गुन्हेगारी टोळ्यांकडून अनेकदा पैशांसाठी व्यापाऱ्यांना "टार्गेट' करीत त्यांच्याकडून जबरदस्तीने पैसे वसूल केले जातात. मात्र, छोटी-मोठी सर्वच दुकाने बंद असल्याने गुन्हेगारांचेही काहीही चालेनासे झाले नसून त्यांचा आर्थिक आधारच तुटला आहे.
- पुण्याच्या बातम्या वाचण्यासाठी येथे ► क्लिक करा
- अनेक गुन्हे दारूच्या नशेत केल्याचे अनेक गुन्ह्यात दिसून आले आहे. मात्र, सध्या दारूच उपलब्ध होत नसल्याने दारू पिऊन गोंधळ घालणारेही सध्या शांत आहेत.
- इतरवेळी लोकांच्या जिवाला धोका निर्माण करणारे गुन्हेगार आता मात्र कोरोनाच्या भितीमुळे स्वत:ही घरातच बसून आहेत.
- अनेक गंभीर गुन्हे महिलांची छेडछाड अथवा अनैतिक संबंध यावरून होत असल्याचे समोर आले आहे. मात्र, कोणालाच घराबाहेर पडणे शक्‍य नसल्याने अशा प्रकारांमधून घडणाऱ्या गंभीर घटनांनाही आळा बसला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.