पुणे : कोरोनाच्या पार्श्‍वभुमीवर 23 मार्चपासून सुरू केलेला लॉकडाऊनमध्ये प्रवासासाठी आवश्‍यक केलेल्या ई-पास आता रद्द करण्यात आला आहे. त्यामुळे नागरीकांना जिल्हाअंतर्गत प्रवास करण्यास मुभा असणार आहे. नागरीकांना प्रवासासाठी आता पास लागणार नसल्याबाबतचा राज्य सरकारचे आदेश सोमवारी सायंकाळी पुणे पोलिसांनाही प्राप्त आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

राज्यात कोरोनाचा संसर्ग वाढू लागल्यानंतर राज्य सरकारने तत्काळ लॉकडाऊन जाहीर करीत जिल्हा व राज्यांतर्गत प्रवासाला बंदी घातली. तसेच अत्यावश्‍यक कारणासाठी प्रवास करण्याची गरज असणाऱ्या नागरीकांसाठी ई-पासची सुविधा उपलब्ध करुन दिली होती. नागरीकांना वैद्यकीय व कुटुंबातील सदस्याचा मृत्यु या दोन कारणांसा प्रवासाला परवानगी दिली जात होती. शहरामध्ये पोलिस आयुक्तालये तर ग्रामीण भागात जिल्हाधिकारी प्रशासनामार्फत पास देण्याची सुविधा दिली जात होती. 

दरम्यान, केंद्र सरकारने काही दिवसांपुर्वीच ई-पास रद्द केल्याबाबतचा आदेश काढला होता. मात्र राज्य सरकारने राज्यातील कोरोनाचा वाढता संसर्ग लक्षात घेऊन ई-पासला रद्द करण्यास असमर्थता दर्शविली होती. परंतु नागरीकांकडूनही ई-पास रद्द करण्याची मागणी सातत्याने केली जात होती. त्याची दखल घेऊन अखेर राज्य सरकारने सोमवारी नवीन नियमावली जाहीर केली. त्यानुसार, प्रवासासाठी असणारी ई-पासची अट रद्द केल्याचे जाहीर केले. मात्र प्रवास करताना काळजी घेणे आवश्‍यक आहे, त्यासाठी प्रवाशांना काही नियमांचे पालन करण्याच्या सुचनाही दिल्या आहेत. 

पुण्यातील गणपती विसर्जन मिरवणुक होणार ढोल-ताशाविना

सार्वजनिक व खासगी वाहनांना प्रवास करताना पालन करावयाचे नियम 
 - वाहनांचे प्रकार प्रवासी 
- टॅक्‍सी/कॅब अत्यावश्‍यक कारणासाठी चालकासह तिघेजण 
- रिक्षा अत्यावश्‍यक कारणासाठी चालकासह दोघेजण 
-  चारचाकी अत्यावश्‍यक कारणासाठी चालकासह तिघेजण 
 
"राज्य सरकारने अनलॉक 4 बाबतची नियमावली जाहीर केली आहे. त्यानुसार, एका जिल्ह्यातुन दुसऱ्या जिल्ह्यात जाण्यासाठी आता ई-पासची गरज नाही. तसेच प्रवासासाठी अन्य कुठल्याही परवानगीची गरज लागणार नाही.''
- बच्चन सिंग, पोलिस उपायुक्त (गुन्हे) 

वर्क फ्रॉम होममुळे वाढले मूळव्याधीचे प्रमाण; पुण्यातील सर्वेक्षणातून समोर आली माहिती