घोरपडी (पुणे) : पुण्यात दिवसेंदिवस कोरोनाचा संसर्ग वाढत चालला आहे. कोरोना रुग्णांची संख्याही वाढत असल्यामुळे मास्क न घालणाऱ्या नागरिकांवर पोलिस कारवाई करत त्यांच्याकडून दंड वसूल करत आहेत. गेल्या आठ दिवसात मुंढवा पोलिसांनी मास्क न घालणाऱ्या नागरिकांकडून साडे पाच लाख रुपये दंड वसूल केला आहे.

- डिजिटल बॅंकिंग वापरणाऱ्यांचा टक्का वाढला; कोरोनामुळे झाली मोठी वाढ​

कोरोनाचा वाढता संसर्ग रोखण्यासाठी मास्क वापरणे हे बंधनकारक केले आहे. परंतु या नियमाचे पुण्यातील नागरिक पालन करताना दिसत नसल्यामुळे पोलिसांकडून नागरिकांवर कारवाई करण्यात येत आहे, आणि त्यांच्याकडून प्रत्येकी 500 रुपयांचा दंड आकारला जात आहे. मुंढवा पोलिस सात ते आठ ठिकाणी नागरिकांची तपासणी करत आहेत. त्यानुसार आतापर्यंत एक हजारापेक्षा जास्त नागरिकांवर कारवाई करण्यात आली असून त्यांच्याकडून साडेपाच लाख रुपये दंड वसूल केला आहे. मुंढवा पोलीस स्टेशनचे वरिष्ठ पोलिस निरीक्षक संपतराव भोसले यांच्या नेतृत्त्वात पोलीस अधिकारी आणि पुणे महानगर पालिकेचे आरोग्य अधिकारी संयुक्तरित्या ही कारवाई करत आहेत. 

- अजित पवार म्हणतात, 'मला अॅक्‍शन' घ्यायला भाग पाडू नका'​

तसेच वानवडी पोलीस स्टेशन हद्दीत आठ दिवसात आठशे लोकांवर कारवाई करत चार लाख रुपये दंड वसूल केला आहे. पोलिस स्टेशन वरिष्ठ पोलीस निरीक्षक क्रांतिकुमार पाटील स्वतः अधिकाऱ्यांसोबत विविध ठिकाणी कारवाई आणि मास्क घालण्याबाबत जनजागृती करत आहेत. 

या कारवाईमुळे नागरिकांच्या खिशाला मोठी कात्री लावली जात आहे. परंतु आजही अनेक नागरिक मास्क न घालता बाहेर फिरताना दिसतात. त्यामुळे त्यांना अशा कारवाईला सामोरे जावे लागत आहे. 

दंड वसूल करणे आमचा हेतू नसून नागरिकांनी मास्क घालावा आणि कोरोनाविषयी खबरदारी बाळगावी, यासाठी ही कारवाई करत असल्याचे वरिष्ठ पोलिस निरीक्षक संपतराव भोसले यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited By : Ashish N. Kadam)