राजगुरुनगर (पुणे) : खेड तालुक्‍यातील वडगाव पाटोळे (ता. खेड) येथे काल (ता. 25) आढळलेल्या कोरोनाबाधिताच्या संपर्कात आलेल्या 4 जणांचे आणि कडूसला येऊन गेलेल्या कोरोनाबाधिताच्या संपर्कात आलेल्या 3 जणांचे तपासणी अहवाल पॉझिटिव्ह आल्याने खेड तालुका हादरला आहे. 

मुंबईकरांमुळे पुणेकरांना धोका, कोरोनाचा सुरू आहे मुंबई- पुणे- मुंबई प्रवास  

आज सकाळी चासच्या पापळवाडी येथे मुंबईहून आलेले एक गृहस्थ कोरोनाबाधित असल्याचा अहवाल मिळाला होता. त्यामुळे खेड तालुक्‍यातील कोरोनाबाधितांच्या संख्येत आज तब्बल आठने वाढ होऊन तालुक्‍याची संख्या 15 वर पोहोचली आहे, अशी माहिती खेडचे सभापती अंकुश राक्षे आणि तालुका आरोग्य अधिकारी बी. बी. गाढवे यांनी दिली. 

खासदार अमोल कोल्हे यांची आदिवासींसाठी मोठी मागणी 

कडूसमध्ये मुंबईहून येऊन पुन्हा मुंबईला गेलेला एकजण पॉझिटिव्ह असल्याचा अहवाल मुंबईहून आल्यानंतर त्याच्या संपर्कात आलेल्या कडूसमधील 6 जणांनाही काल चाचणीसाठी पाठविण्यात आले आहे. त्यांपैकी 3 जणांचे अहवाल पॉझिटिव्ह आल्याने कडूसची चिंता वाढली आहे. तसेच, वडगाव पाटोळे येथे मुंबईहून आलेला एक रुग्ण पॉझिटिव्ह असल्याचा अहवाल कालच मिळाला होता. त्यामुळे त्यांच्याबरोबर मुंबईहून आलेले त्यांची पत्नी, मुलगी, जावई आणि त्यांच्या संपर्कात आलेल्या दोघांसह पाचजणांना तपासणीसाठी पुण्याला पाठविण्यात आले होते. त्यांपैकी 4 जणांचा तपासणी अहवाल पॉझिटिव्ह आला आहे. 

पुण्याच्या इतर बातम्या वाचण्यासाठी येथे क्लिक करा

मुंबईतील एक 49 वर्षीय गृहस्थ आपल्या कुटुंबासह पापळवाडी (चास) येथे राहण्यास आले. त्यांना श्वसनाचा त्रास होऊ लागल्याने चांडोली येथील ग्रामीण रुग्णालयात दोन दिवसांपूर्वी प्राथमिक तपासणी केल्यावर ते संशयित आढळले. त्यानंतर ते स्वतःच औंध रुग्णालयात दाखल झाले. काल रात्री त्यांचा तपासणी अहवाल पॉझिटिव्ह आला. त्यामुळे त्यांच्या कुटुंबातील आणि संपर्कात आलेल्या 9 व्यक्तींना तपासणीसाठी आज पुण्याला पाठविण्यात आले आहे. चाकणजवळच्या वाडीतील दोन व्यक्तींचा यांमध्ये समावेश आहे.