पुणे - "कोरोनाच्या काळात वीजबिले अचूक असतानाही त्याबाबत निर्माण झालेल्या संभ्रमामुळे थकबाकीमध्ये वाढ होत आहे. त्यासाठी वीजबिलांच्या थकबाकी वसुलीसाठी प्रयत्न करा,'' अशा सूचना महावितरणचे पुणे प्रादेशिक संचालक अंकुश नाळे यांनी संबंधितांना दिल्या आहेत. 

पुणे, कोल्हापूर, सांगली, सातारा व सोलापूर जिल्ह्यांतील महावितरणमधील विविध कर्मचारी संघटनांच्या सुमारे  साठ पदाधिकाऱ्यांशी नाळे यांनी "व्हिडिओ कॉन्फरंसिंग'द्वारे नुकताच संवाद साधला. या वेळी त्यांनी या सूचना दिल्या. नाळे म्हणाले, ""वीजबिलांच्या थकबाकीमुळे सध्याचे आर्थिक संकट निर्माण झाले असले, तरी महावितरणसाठी हे आव्हान नवीन नाही. ते दूर करण्यासाठी सर्वांनी एकजुटीने प्रयत्न सुरू केले आहेत. येत्या मार्चपर्यंत जास्तीत जास्त थकबाकी वसुलीसाठी वीजग्राहकांना विश्वासात घेऊन प्रत्यक्ष किंवा व्हॉट्‌सऍप ग्रुपद्वारे त्यांच्या शंका, संभ्रम व तक्रारी दूर करण्यासाठी तत्पर रहा. मीटर रिडींगमध्ये एजन्सीकडून चुका होत असल्यास त्यांच्याविरुद्ध तत्काळ व कठोर कारवाई करा.'' 

धक्कादायक ! कात्रज प्राणीसंग्रहालयातील ४ हरणांची 'शिकार'; जबाबदार कोण?