पुणे :  राज्यात वाढता कोरोनाचा प्रादुर्भाव पाहता राज्यात जमावबंदी लागू केली आहे. त्यामुळे सार्वजनिक कार्यक्रमांना देखील बंदी आहे. दरम्यान एल्गार परिषदेचे आयोजक आणि माजी न्यायाधीश बी.जी. कोळसे पाटील यांनी पुण्यात एल्गार परिषद होणारच अशी घोषणा तर तारीखही जाहीर केली आहे.

- ताज्या बातम्यांसाठी डाऊनलोड करा ई-सकाळचे ऍप 

येत्या 30 जानेवारीलाच पुण्यातील गणेश कला क्रिडा सभागृहात एल्गार परिषद घेण्यात येणार अशी माहिती बी. जी न्यायाधीश बी.जी. कोळसे पाटील यांनी दिली. दरम्यान, यापुर्वीही ३१ डिसेंबरला पुण्यात एल्गार परिषद आयोजित करण्याची परवानगी द्यावी अशी मागणी  पुणे  पोलिसांकडे केली होती पण पुणे पोलिसांनी परिषदेची परवानगी नाकारली होती. त्यानंतर त्यांनी पुन्हा एल्गार परिषद आयोजित करण्याची मागणी उचलून धरली असून तारीख देखील जाहीर केली आहे.

जाणून घ्या केसरचे फायदे; हाडांची मजबूती, कँसरशी लढा आणि उत्तम सेक्स लाईफ देतो केसर  

दरम्यान, तीन वर्षापूर्वी डिसेंबर 2017 मध्ये पुण्यातील शनिवारवाड्यावर एल्गार परिषद झाली होती. ती पुढे वादग्रस्त ठरली होती. या परिषदेच्या दुसऱ्या दिवशी म्हणजे 1 जानेवारी 2018ला कोरेगाव भीमा येथे हिंसाचार उफाळलेला होता. या परिषदेचा संबंध पोलिसांनी त्या हिसांचाराशी जोडला होता. दोन्ही बाजूकडून आरोप-प्रत्यारोप झाले होते. एल्गार परिषदेचा आणि कोरेगाव भीमा येथील हिंसाचाराचा संबंध नाही असा दावा करण्यात आला होता. त्यानंतर पुढील दोन वर्ष एल्गार परिषद झाली नाही. दरम्यान आता सरकार बदलल्यानंतर पुन्हा एल्गार परिषद व्हावी, अशी मागणी कोळसे पाटील यांनी केली आहे.