पुणे - सावित्रीबाई फुले पुणे विद्यापीठाने पदवी अभ्यासक्रमासाठी क्रेडिट सिस्टिम लागू केल्याने २०२०-२१ मध्ये अभियांत्रिकी आणि एमबीएच्या द्वितीय वर्षाच्या परीक्षा पद्धतीमध्ये बदल केला जाणार आहे. या दोन्ही अभ्यासक्रमांसाठी प्रत्येक सत्राला असलेली ऑनलाइन परीक्षा बंद करून त्याऐवजी अंतर्गत गुणांसाठी महाविद्यालय स्तरावर परीक्षा घेतली जाणार आहे.
अभियांत्रिकीच्या द्वितीय वर्षासाठी सध्या ५० गुणांची लेखी; तर ५० गुणांची ऑनलाइन परीक्षा घेतली जाते, तर एमबीएच्या ८० गुणांची लेखी परीक्षा, तर २० गुणांची ऑनलाइन परीक्षा घेण्यात येते. ऑनलाइन परीक्षेचे कंत्राट दिलेल्या ठेकेदाराची मुदत संपल्याने नवीन ठेकेदार नेमण्याच्या प्रक्रियेत अभियांत्रिकी व एमबीएच्या प्रथम सत्राच्या परीक्षांना विलंब झाला, त्या परीक्षा आता सुरू आहेत.
पुणे विद्यापीठाने २०१९ मध्ये अभियांत्रिकीचा संपूर्ण अभ्यासक्रम बदलला, त्यामध्ये प्रथम वर्षासाठी ऑनलाइन परीक्षा रद्द करण्यात आली आहे. सध्या केवळ द्वितीय वर्षासाठी ऑनलाइन परीक्षा घेतली जात आहे. मे महिन्यात होणाऱ्या द्वितीय सत्राच्या ऑनलाइन परीक्षा संपल्यानंतर ही पद्धत बंद केली जाणार आहे, तर एमबीएलाही ऑनलाइन परीक्षा न घेण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.