पिंपरी : कोरोनाच्या वाढत्या संसर्गामुळे लावण्यात आलेल्या लॉकडाऊनमुळे शहराच्या लगत असणाऱ्या गावांमध्ये शेतीची कामे करण्यासाठी मजूर मिळत नसल्यामुळे शेतकऱ्यांच्या कुटुंबातील सदस्यांना शेतामध्ये काम करावे लागत आहे. 

बातम्या ऐकण्यासाठी डाऊनलोड करा ई-सकाळचे ऍप

कोरोनाच्या संसर्गाला सुरुवात झाल्यानंतर याठिकाणी काम करणारे शेतमजूरांनी क्षणाचाही विलंब न करता थेट गाव गाठले. त्यामुळे शेतात तयार झालेले पिक कसे काढायचे, असा प्रश्‍न या परिसरातील शेतकऱ्यांसमोर उभा राहिला. त्यामुळे काही जणांनी कुटुंबातील सर्व सदस्यांनी साथी हाथ बढानाची भूमिका घेत शेतीचे काम करण्यास सुरुवात केली आहे. 

पुण्याच्या आणखी बातम्या वाचण्यासाठी येथे क्लिक करा

बारा तास चालते काम.... 
गेल्या काही दिवसांपासून उन्हाचा कडाका वाढू लागला आहे, त्यामुळे शेतातील कामाला सकाळी सहा वाजल्यापासूनच सुरुवात होते. दुपारी उन्हाचा कडाका वाढल्यानंतर कामाचा वेग कमी होतो. संध्याकाळी सहा वाजेपर्यंत इथली कामे सुरु असतात. लॉकडाउन असल्यामुळे सरकारी यंत्रणांनी घराबाहेर न पडण्यास सांगितले आहे, त्यामुळे कोरोनाच्या पार्श्‍वभूमीवर आवश्‍यक असणारी योग्य ती खबरदारी घेऊन ही मंडळी शेतात काम करुन शहरवासियांना भाजीपाल्याचा पुरवठा करत आहेत. 
दरम्यान, दीड महिन्यांपूर्वीच अनेक ठिकाणचे मजूर गावाला निघून गेले आहेत, त्यांना 300 रुपये रोज द्यायचो. आता काही भागात अवकाळी पावसाने हजेरी लावली आहे. त्यामुळे हातात आलेले पिक जाउन आर्थिक नुकसान व्हायला नको, म्हणून सुरक्षेची योग्य ती खबरदारी घेउन कुटुंब शेतामधील कामे पूर्ण करत असल्याचे चऱ्होली भागातील शेतकरी सतीश बुर्डे यांनी सांगितले. 

#Lockdown2.0 : निम्मे पिंपरी-चिंचवड सीलबंद
कोरोनाच्या संसर्गापासून सुरक्षित राहाण्यासाठी शहरीभागाप्रमाणे गावांमध्ये देखील खबरदारी घेतली जात आहे, त्यामधे सोशल डिस्टन्सींग, तोंडाला मास्क लावणे, अशा उपायांचा समावेश आहे. 

या गावांमध्ये होते शेती.... 
रावेत, पुनावळे, किवळे, चऱ्होली, डुडुळगाव.