वडगाव निंबाळकर (पुणे) : विद्युत रोहित्राच्या पेटीतील फ्यूज चेक करणे शेतकऱ्याच्या जिवावर बेतल्याची घटना बारामती तालुक्यातील नारोळी येथे घडली. विजेचा तीव्र धक्का बसल्याने अप्पासाहेब सुरेश ढमे (वय ४८) यांचा मृत्यू झाला.
याबाबत वडगाव निंबाळकर पोलिस ठाण्यात अशोक जयवंत ढमे यांनी माहिती दिली की, शुक्रवारी (ता. २८) दुपारी साडेबारा वाजण्याच्या सुमारास नारोळी गावातील पोमण विद्युत रोहित्राजवळ ही घटना घडली. आपल्या शेतातील विद्युत पुरवठा खंडित झाल्यामुळे आप्पासाहेब ढमे हे विद्युत रोहित्र जवळ गेले होते. वीज पुरवठा सुरु करण्याचा करण्याचा करण्याचा ते प्रयत्न करीत असताना विजेचा धक्का लागून त्यांचा मृत्यू झाला.
पावसामुळे रोहित्राजवळील जमीनीचा भाग ओला झाला होता. त्यामुळे ढमे यांना विजेचा झटका बसला असावा. जवळपास कोणीही नसल्याने मदत मिळाली नाही. थोड्या वेळाने इतर शेतकरी तेथे गेल्यावर हा प्रकार उघडकीस आला. त्यांनी तातडीने महावितरण विभागाला कळविले. याबाबत पोलिस ठाण्यात अकस्मिक मृत्यूची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.