मांजरी(पुणे) : सरपंचपद आरक्षण सोडतीने जिल्ह्यातील मुदत संपलेल्या ग्रामपंचायतींच्या निवडणूकीचा बिगुल वाजला आहे. महापालिका प्रवेशाच्या उंबरठ्यावर उभ्या असलेल्या गावांचाही यामध्ये समावेश असून येथील सरपंचपदांची आरक्षणे जाहीर झाली आहेत. मात्र, ही गावे निवडणुकीपूर्वी पालिकेत समाविष्ट होणार की निवडणूकीला तोंड द्यावे लागणार, असा संभ्रम इच्छुकांसह ग्रामस्थांमध्ये निर्माण झाला आहे.

- पुण्याच्या बातम्या वाचण्यासाठी येथे ► क्लिक करा

नुकत्याच झालेल्या सरपंचपदाच्या सोडतीनुसार पूर्व हवेलीतील पालिका प्रवेश प्रक्रियेतील मांजरी बुद्रुक गाव नागरिकांच्या मागास प्रवर्गातील महिलेसाठी, शेवाळेवाडी, वडाचीवाडी व पिसोळी ही गावे सर्वसाधारण महिलेसाठी, वाघोली व होळकरवाडी ही गावे सर्वसाधारण गटासाठी तर औताडेवाडी-हांडेवाडी हे गाव नागरिकांच्या मागास प्रवर्गासाठी राखीव झाले आहे. ही गावे पालिकेत समाविष्ट करण्याच्या दृष्टीकोनातून राज्यसरकारकडून गेल्या महिन्यापासून हालचाली सुरू झालेल्या आहेत.
पुण्यात आला रानगवा; कोथरुडमध्ये महात्मा सोसायटीतील रहिवाशांमध्ये दहशत

दुसरीकडे निवडणूक आयोगाकडून नुकतीच जिल्ह्यातील इतर गावांबरोबरच या गावांच्या सरपंचपदांची आरक्षणे जाहीर केली आहेत. यातील काही गावांमध्ये आता पंचवार्षिक निवडणूकींचा बिगुलही वाजला आहे. त्यामुळे निवडणूकीचा उत्सव सुरू करावा की पालिका प्रवेशाची वाट पाहवी, अशी द्विधा मनस्थिती गावकारभारी, इच्छुक उमेदवार आणि ग्रामस्थांमध्ये निर्माण झाली आहे.