बारामती : रस्त्यावर फळविक्रीस मनाई असतानाही विक्री करताना पोलिसांनी हटकल्याच्या कारणावरुन पोलिस कर्मचाऱ्यास धक्काबुक्की करणाऱ्या तिघांवर गुन्हा दाखल करण्यात आला आहे.
सरकारी कामात अडथळा आणण्यासह आपत्ती व्यवस्थापन कायद्यानुसार तिघांविरोधात गुन्हा दाखल करण्यात आला. भाऊसाहेब रामदास मांडे (रा. मढेवडगाव, ता. श्रीगोंदा, जि. अहमदनगर), वैभव बाळासाहेब मदने (रा. गवारेफाटा, बारामती) व राजू माणिक बागवान (रा. कचेरी रोड, बारामती) या तिघांवर गुन्हा दाखल झाला आहे. पोलिस कर्मचारी पोपट नाळे यांनी या बाबत फिर्याद दिली आहे.
शहरात लॉकडाऊन सुरु असताना रस्त्यावर गाडी लावून खरबूज विक्री सुरु असल्याचे निदर्शनास आल्यानंतर पोलिसांनी या तिघांना हटकले, मात्र त्यांनी पोपट नाळे यांना धक्काबुक्की करत गोंधळ घातला. पोलिस निरीक्षक औदुंबर पाटील यांच्यासमोरच हा प्रकार घडला. ख्रिश्चन कॉलनीनजिक छोट्या टेंपोतून खरबूज विक्री करण्यास पोलिसांनी प्रतिबंध केल्यानंतर या तिघांनी पोलिसांसोबत अरेरावी करत नाळे यांना धक्काबुक्की केली.
या वेळी पोलिस निरीक्षक औदुंबर पाटील यांनी हस्तक्षेप केल्यावरही मांडे हा पोलिस ठाण्यात येण्याऐवजी पळून चालला होता, त्या वेळेसही त्याने पोलिसांशी धक्काबुक्की करण्याचा प्रयत्न केला. अखेर बळाचा वापर करत त्या तिघांना पोलिस ठाण्यात आणले गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.