पुणे : शिवाजीराव सहकारी बँकेच्या संचालक मंडळाने आपापसात संगनमत करुन बँकेच्या रेकॉर्डमध्ये बनवाट नोंदी करुन त्या खऱ्या असल्याचे भासवून बँकेच्या 71 कोटी 78 लाख 87 हजार रुपयांचा वापर करुन बँकेची फसवणूक केली. याप्रकरणी आमदार अनिल भोसले, नगरसेविका रेश्मा भोसले यांच्यासह बँकेच्या 16 संचालकांविरुद्ध शिवाजीनगर पोलिस ठाण्यात आर्थिक फसवणुकीचा गुन्हा दाखल करण्यात आला.
ताज्या बातम्यांसाठी डाऊनलोड करा ई-सकाळचे ऍप
योगेश लकडे (वय 39, रा. आंबेगाव, नऱ्हे रोड) यांनी याप्रकरणी शिवाजीनगर पोलिस ठाण्यात फिर्याद दिली आहे. त्यावरुन आमदार भोसले, नगरसेविका रेश्मा भोसले यांच्यासह बँकेच्या 16 संचालकांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी हे ऑडीटर आहेत. त्यांना रिझर्व्ह बँक ऑफ इंडियाने शिवाजीराव सहकारी बँकेच्या 2018-2019 या आर्थिक वर्षाचे शिल्लक रकमेच्या हिशोबाची तपासणी करण्यास सांगितले होते. त्यानुसार फिर्यादी यांनी संबंधीत बँकेच्या रोख रक्कम शिल्लकची पडताळणी केली. बँकेच्या रोख शिल्लक तपासणीमध्ये एकूण 71 कोटी 78 लाख 87 हजार 723 रुपये इतकी रक्कम कमी असल्याचे निदर्शनास आले.
पीएमपी कामगारांसाठी खुशखबर! वाचा महत्वाची बातमी
संचालक मंडळ हे बँक व्यावसायिक आहेत, याची जाणीव असतानाही त्यांनी बँकेच्या रेकॉर्डमध्ये बनावट नोंदी केल्या. त्या नोंदी खऱ्या असल्याचे भासवून त्या पैशांचा वापर करीत बँकेची फसवणूक केली, असे फिर्यादीमध्ये नमूद केले आहे. या प्रकरणाचा तपास पोलिस उपनिरीक्षक संदिप चव्हाण करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.